જામનગર શહેર- લાલપુર અને જામજોધપુરમાં જુગાર અંગે પાંચ સ્થળે દરોડા: 18 પત્તા પ્રેમી પકડાયા
જામનગર તા.12 ઓગષ્ટ 2022,શુક્રવારજામનગર શહેર અને જિલ્લામાં શ્રાવણી જુગારની મોસમ પૂરબહારમાં ચાલી રહી છે, અને પોલીસ તંત્ર દ્વારા પણ ઠેર ઠેર દરોડાઓ પાડવામાં આવી રહ્યા છે. જે દરમિયાન ગઈ રાત્રે પોલીસે પાંચ સ્થળે દરોડા પાડ્યા છે, અને ૧૮ પત્તાપ્રેમીઓની અટકાયત કરી લઈ રૂપિયા અડધા લાખની માલમતા કબજે કરી છે. જામનગરમાં બેડેશ્વર વિસ્તારમાં પોલીસે જુગાર અંગે દરોડો પાડી આઝાદ અલીમામદ મકરાણી સહિત ત્રણ શખ્સોને પકડી પાડ્યા છે, અને રૂપિયા ૨૧,૬૦૦ ની માલમત્તા કબજે કરી છે. આ ઉપરાંત લાલપુર તાલુકાના રક્કા ગામમાં તેમજ જોગવડમાં રામદેવપીરના મંદિર પાસે જુદા જુદા બે સ્થળે દરોડા પાડ્યા હતા, જ્યારે જામજોધપુરના કોટડા બાવીસી ગામમાં પણ પોલીસે જુગાર અંગે દરોડો પાડ્યો છે, અને પાંચેય દરોડામાં કુલ ૧૮ શખ્સોની અટકાયત કરી લેવામાં આવી છે. જેઓ પાસેથી રૂપિયા અડધા લાખની માલમતા પણ કબજે કરાઈ છે.
આ પ્રકારના તમામ સમાચાર માટેે
App ડાઉનલોડ કરો.