લુણાવાડા બસ સ્ટેશન ખાતેથી શુભ યાત્રા સ્વચ્છ યાત્રા અંતર્ગત જનજાગૃતિ રેલી યોજાઈ.

મહીંસાગર જીલ્લાના મુખ્ય મથક લુણાવાડા ખાતે આવેલ બસ સ્ટેન્ડ ખાતેથી આજરોજ શુભ યાત્રા સ્વચ્છ યાત્રા અંતર્ગત રેલી યોજાઇ હતી. ગુજરાત માર્ગ વાહન વ્યવહાર નિગમ દ્વારા બસમાં મુસાફરી કરતા મસફરો દ્વારા બસ સ્ટેન્ડ તેમજ બસમાં ગમે ત્યાં કચરો ફેંકી ગંદકી કરે નહી અને સ્વચ્છતા રાખે અને મુસાફરોમાં જાગૃતતા આવે તે ઉદ્દેશથી શુભ યાત્રા-સ્વચ્છ યાત્રા અભિયાન બીજી ડિસેમ્બરના રોજથી શરૂ કરવામાં આવ્યું છે.જેના ભાગરૂપે આજરોજ મહીસાગર જિલ્લાના લુણાવાડા બસ સ્ટેન્ડ ખાતેથી સ્વચ્છતા રેલીનું આયોજન કરવામાં આવ્યું હતું. આ સ્વચ્છતા રેલી લુણાવાડા બસ સ્ટેન્ડથી શરુ થઇ લુણાવાડા શહેરના વિવિધ જાહેર માર્ગ પરથી પસાર થઈ બસ સ્ટેન્ડમાં પૂર્ણ થઈ હતી. જેમાં વિદ્યાર્થીઓ, શિક્ષકો તેમજ એસટી વિભાગના કર્મચારીઓ જોડાયા હતા.
તારીખ 2/12/2023ના રોજથી વાહન વ્યવહાર મંત્રી બસ સ્ટેશન ખાતે આ કેમ્પિયન ગાંધીનગર ખાતેથી શરૂ કરવામાં આવ્યું છે. અમારા નિગમના તમામ બસ સ્ટેશન 125 ડેપો પર સફાઈનું અભિયાન તેમજ બસ સ્ટેશન અને બસની સફાઈનું કેમ્પિયન અમારા તમામે તમામ ડેપો કન્ટ્રોલ પોઇન્ટ પર શરૂ કરવામાં આવ્યુ છે. જે કાર્યક્રમના ભાગરૂપે આજે લુણાવાડા કન્યા શાળાની તમામ બાળાઓ તેમજ તેમના શિક્ષકો સાથે રાખી રેલીનું આયોજન કરવામાં આવેલું છે. આ રેલી દ્વારા તમામ લોકોને અમે સ્વચ્છતાનો સંદેશ આપવા માગીએ છીએ કે, બસને અને બસ સ્ટેશનને સ્વચ્છ રાખો તેવી અપીલ કરવામાં આવેલ હતી.

આ પ્રકારના તમામ સમાચાર માટેે App ડાઉનલોડ કરો.