બોટાદ જિલ્લા કલેક્ટરશ્રીના અધ્યક્ષસ્થાને ડિસ્ટ્રીક્ટ રોડ સેફ્ટી કમિટીની સમીક્ષાત્મક બેઠક યોજાઈ

માહિતી બ્યુરો, બોટાદ
બોટાદ જિલ્લા કલેક્ટર કચેરી ખાતે જિલ્લા કલેક્ટરશ્રી ડો. જીન્સી રોયના અધ્યક્ષસ્થાને ડિસ્ટ્રીક્ટ રોડ સેફ્ટી કમિટિની સમીક્ષાત્મક બોઠક યોજાઈ હતી. જેમાં સમગ્ર શહેરમાં રસ્તાઓને ધ્યાને રાખીને જરૂરી સુધારાઓ અંગે માર્ગદર્શન આપ્યું હતું. જેમ કે સ્કૂલ-કોલેજ વાળા રસ્તા તેમજ સતત માણસોની અવર-જવરનો ધસારો રહેતો હોય તેવા રસ્તાઓ પર સ્પીડ બ્રેકર લગાવવા, તેમજ સિગ્નલ અંગેની તપાસ કરવી, સ્પીડ લીમિટ બાબતે સૂચિત કરતા બોર્ડ લગાવવા ઉપરાંત યોગ્ય સાઈનેજીસ લગાવવા તથા ઓવર સ્પીડીંગ કરતા વાહન ચાલકો સામે કડક પગલા લેવા અંગે માર્ગદર્શિત કરવામાં આવ્યાં હતાં. તેમજ નિયમોનો ભંગ કરતા વાહન ચાલકો સામે કાયદા પ્રમાણે કાર્યવાહી કરવા સૂચના આપી હતી. આ બેઠકમાં સહાયક પ્રાદેશિક વાહન વ્યવહાર અધિકારીશ્રી ચાવડાએ પાવર પોઈન્ટ પ્રેઝન્ટેશન દ્વારા ઉપસ્થિત સૌને સમિતિની કામગીરી વિશે માહિતી આપી હતી. બેઠકમાં નિવાસી અધિક કલેક્ટરશ્રી પી.એલ. ઝણકાત, જિલ્લા પોલીસ અધિક્ષકશ્રી કે.એફ.બળોલીયા સહિતના અધિકારીશ્રીઓ ઉપસ્થિત રહ્યા હતા.

આ પ્રકારના તમામ સમાચાર માટેે App ડાઉનલોડ કરો.