કન્યા શાળા કોઠીની બહેનોનુ કબડ્ડીમા રાજ્યકક્ષાએ ઉત્કૃષ્ઠ પ્રદર્શન

68 મી શાળાકીય રાજ્યકક્ષાની (SGFI)U-14 બહેનોની કબડ્ડી સ્પર્ધાનું આયોજન બ્લિસ ઇન્ટરનેશનલ પબ્લિક સ્કૂલ માણસા ગાંધીનગર મુકામે તા. 9/11/2024 થી 11/11/2024 ના રોજ આયોજન કરવામાં આવ્યું હતું. જેમાં શ્રી કોઠી કન્યા પ્રાથમિક શાળાની કબડ્ડીની આખી ટીમે રાજ્યકક્ષાએ ભાગ લીધો હતો. જ્યાં બાળાઓએ શ્રેષ્ઠ પ્રદર્શન કર્યું હતું. અને પુરેપુરી નિષ્ઠા અને સાહસિકતા અને ખુમારી થી કબડ્ડીમા ઝંપલાવ્યુ હતુ. બાળાઓએ તેમના માતા પિતા, ગામ તેમજ શાળાનું નામ રોશન કર્યું છે. જેમાં મકવાણા અંજલિ, માલકિયા ધર્મિષ્ઠા, હાંડા અંજલિ, વાવડીયા નેન્સી, ઝાપડિયા રવીના, લાંબરીયા નિરાલી, તાવીયા નિરાલી, ખીહડિયા ભૂમિ, સિંધવ દક્ષા, તેમજ માલકિયા પૂનમની ટીમે સખત મહેનત કરી હતી. તેમના કોચ તરીકે રામાનુજ સરોજબેન ના માર્ગદર્શન હેઠળ ઉત્કૃષ્ટ પ્રદર્શન કર્યું હતું. ખેલાડીઓના સારા પ્રદર્શન બદલ શાળાના આચાર્ય રામાનુજ સરોજબેન તથા શાળા પરિવાર સમગ્ર સ્ટાફ ખેલાડીઓને અભિનંદન આપે છે અને ઉત્તરોત્તર પ્રગતિ કરતાં રહો તેવી શુભેચ્છાઓ પાઠવે છે.

આ પ્રકારના તમામ સમાચાર માટેે App ડાઉનલોડ કરો.