જામનગરમાં અંધાશ્રમ રેલવે ફાટક નજીક અજાણ્યા યુવાનનો ટ્રેન હેઠળ પડતું મૂકી આપઘાત

જામનગર તા 29 જુન 2022,બુધવાર જામનગરમાં અંધ આશ્રમ રેલવે ફાટક નજીક એક અજાણ્યા યુવાને અગમ્ય કારણોસર ટ્રેન હેઠળ પડતું મૂકી દઇ આત્મહત્યા કરી લીધી છે. પોલીસ દ્વારા તેની ઓળખ કરવા માટેની કાર્યવાહી હાથ ધરવામાં આવી છે.આ બનાવની વિગત કેવી છે કે જામનગરમાં અંધાશ્રમ આવાસ ઓવરબ્રિજની નીચેથી પસાર થઈ રહેલી રેલવે લાઈન પર ગઈકાલે મોડી રાત્રે ત્રણેક વાગ્યાના અરસામાં ૪૨ વર્ષની વયના કોઈ અજ્ઞાત યુવાને ટ્રેન હેઠળ પડતું મૂકી દઇ આત્મહત્યા કરી લેતાં તેનું ઘટના સ્થળે જ કરુણ મૃત્યુ નીપજયું છે.આ બનાવ અંગે ગોકુલ નગર વિસ્તારમાં રહેતા મોહમ્મદ બાદશાહ અબ્દુલ સતારે પોલીસને જાણ કરતાં સીટી સી. ડિવિઝનનો પોલીસ કાફળો ઘટના સ્થળે દોડી ગયો હતો, અને મૃતદેહનો કબજો સંભાળી પોસ્ટ મોર્ટમ કરાવ્યું છે, જ્યારે મૃતદેહ ને જામનગરની જી.જી. હોસ્પિટલના કોલ્ડ રૂમમાં રાખવામાં આવ્યો છે. પોલીસ દ્વારા મૃતક ની ઓળખ કરવા માટેની કાર્યવાહી હાથ ધરાઈ છે.

આ પ્રકારના તમામ સમાચાર માટેે App ડાઉનલોડ કરો.