હાઈપ્રોફાઈલ વિસ્તાર અવધ રોડની સુકુન રેસીડેન્સીમાં જુગાર રમતી 7 મહિલા પકડાઈ

રાજકોટની ભાગોળે અવધ રોડ પર આવેલી સુકુન રેસીડેન્સીમાં દરોડો પાડી જુગાર રમતી 7 મહિલાઓને ઝડપી લઈ રૂા.2.63 લાખની રોકડ કબજે કરી છે. મેટોડા પોલીસના પીએસઆઈ કે.એ. ગોહિલ, એએસઆઈ સુરભીબેન કેશવાલા, હેડ કોન્સ્ટેબલ યોગીરાજસિંહ જાડેજા, કોન્સ્ટેબલ લકકીરાજસિહ જાડેજા, રાજદીપસિંહ ગોહિલ, રવુભાઈ ગીડા, હેતલબેન જાની, જયશ્રીબેન ડાભી વગેરે પેટ્રોલીંગમાં હતા
ત્યારે એએસઆઈ સુરભીબેન અને હેડ કોન્સ્ટેબલ યોગીરાજસિંહને બાતમી મળેલી કે, સુકુન રેસીડેન્સીમાં બ્લોક નં.202માં મનિષા વૈષ્ણવ પોતાના ફલેટમાં બહારથી માણસો બોલાવી જુગાર રમાડે છે. બાતમીના આધારે દરોડો પાડવામાં આવ્યો હતો. જુગારના દરોડામાં મનિષા રસીક વૈષ્ણવ પટેલ (ઉ.47, રહે. પાટીદાર ચોક, વસંત વિહાર ફલેટ),
સાવિત્રી રમેશ પટેલ (ઉ.56, પાટીદાર ચોક, વસંત વિહાર રાજકોટ), કૈલાસબેન જવેરા સિદંધવ (આહિર) (ઉ.40 રહે. ઈન્દીરા સર્કલ, રોયલ પાર્ક, નવરંગ એપાર્ટમેન્ટ રાજકોટ), દીપા જેઠા ચંચલાણીયા (સીંધી ઉ.વ.38, હંસરાજનગર, શેરી નં.3, રાજકોટ), મીનાક્ષી મહેશ મેંદપરા પટેલ (ઉ.58, રહે. ગુલાબવિહાર, શેરી નં.3, રાજકોટ), રંજન વિપુલ વણપરીયા પટેલ (ઉ.50 રહે.કાલાવડ રોડ, શિવ પાર્ક, શેરી નં.3, રાજકોટ), અને હસીના અકબર આગરીયા (ઉ.54, રહે. રૈયા રોડ, નહેરૂનગર શેરી નં.5)ની ધરપકડ કરી ગુનો નોંધવામાં આવ્યો છે.

આ પ્રકારના તમામ સમાચાર માટેે App ડાઉનલોડ કરો.