દેશના પૂર્વ વડાપ્રધાન અટલ બિહારી વાજપેયીની જન્મજયંતી નિમિત્તે દેશભરમાં સુશાસન દિવસની ઉજવણી
આજે દેશના પૂર્વ વડાપ્રધાન અટલ બિહારી વાજપેયીની જન્મજયંતી નિમિત્તે દેશભરમાં સુશાસન દિવસની ઉજવણી કરવામાં આવી રહી છે. ત્યારે (GRYB) ગુજરાત રાજ્ય યુવક બોર્ડ લુણાવાડા દ્વારા તાલુકાના વિવિધ ગામોમાં જઈ જરૂરિયાતમંદ લોકોને ગરમ કપડાં, ઘર વપરાશની વસ્તુઓ, પુસ્તકો, માસ્ક, ચોકલેટ સહિતની વસ્તુઓનું વિતરણ કરી બાળકોને અભ્યાસમાં વધુ ધ્યાન આપી ભણી ગણીને આગળ વધારવાની પ્રેરણા આપી હતી.લુણાવાડા તાલુકાના વિવિધ ગામોમાં જરૂરિયાતમંદ લોકોને આજરોજ ગુજરાત રાજ્ય યુવા બોર્ડ (GRYB) લુણાવાડા દ્વારા અટલજીની જન્મજયંતિ નિમિત્તે ગરમ કપડાનું વસ્ત્રદાન કરવામાં આવ્યું હતુ. લુણાવાડા નગરના સતીશ સોની તથા જૈનીશ મોચી, લુણાવાડા તાલુકાના રાજેન્દ્ર સિંહ અને ખાનપુર તાલુકાના વિજયભાઈ આ તમામ સૈંયોજકોએ અંતરિયાળ વિસ્તારમાં જઇને જરૂરિયાતમંદ પરિવારની વચ્ચે જઇ ગરમ વસ્ત્રો, ઘર વપરાસની વસ્તુઓ, બાળકોને પુસ્તકો સહિત માસ્ક અને ચોકલેટનું વિતરણ કરવામાં આવ્યું હતુ. બાળકો અભ્યાસમાં વધુ ધ્યાન આપે અને તેમના વાલીઓ પોતાના બાળકોને નિયમિત શાળાએ મોકલે અને અભ્યાસ કરાવે તેવી પ્રેરણા આપવામાં આવી હતી.
આ પ્રકારના તમામ સમાચાર માટેે
App ડાઉનલોડ કરો.