રાજકોટમાં સ્પીડબ્રેકરના કારણે અકસ્માતમાં મૃત્યુ પામેલા મહિલા અંગદાનથી પાંચ જરૂરિયાતમંદ દર્દીઓને નવજીવન આપતા ગયા

શહેરમાં ગત 29 જૂનને બુધવારના રોજ દમયંતીબેન તેમના પતિ ભરતભાઈ સુતરીયા સાથે અનિડા ગામે સંબંધીની સ્મશાન યાત્રામાં સામેલ થવા માટે જઈ રહ્યા હતા. ત્યારે નવા 150 ફૂટ રિંગરોડ પાસે રહેલું સ્પીડ બ્રેકર ભરતભાઈના ધ્યાન પર ન આવતાં તેમણે બેલેન્સ ગુમાવી દીધું હતું, જેના કારણે દમયંતીબેન રસ્તા ઉપર જ પટકાયા હતા. રસ્તા પર પટકાયા બાદ તેમના કાન અને નાકમાંથી લોહી નીકળવા લાગ્યું હતું.

આ પછી ત્યાંથી પસાર થતાં રાહદારીની ગાડી મારફતે તેમને વોકહાર્ટ હોસ્પિટલમાં ખસેડવામાં આવ્યા હતા. અહીં ડૉ. જોગાણી દ્વારા દમયંતીબેનનું તાત્કાલિક ઓપરેશન કરી તેમને આઈસીયુમાં દાખલ કરવામાં આવ્યા હતા. જો કે સારવાર કારગત ન નિવડી હોય તેવી રીતે ગઈકાલે દમયંતીબેનને બ્રેઈનડેડ જાહેર કરવામાં આવતાં પરિવાર ઉપર આભ ફાટી પડ્યું હતું.

માતા હોય કે પિતા કે પછી પરિવારનું કોઈ સભ્ય અણધારી વિદાય લે એટલે પરિવારજનો ભાંગી જ પડતાં હોય છે અને તેમના દુ:ખનો કોઈ પાર રહેતો નથી અને તેમાં પણ ખાસ કરીને માતા છોડીને ચાલ્યા જાય એટલે સંતાનો નિ:સહાય બની જતાં હોય છે. આવામાં પણ દમયંતીબેનના પુત્રો કુલદીપ અને પ્રિન્સ તેમજ પતિ ભરતભાઈએ ભારે હૈયે દમયંતીબેનના અંગોનું દાન કરવાનો નિર્ણય લીધો હતો.

આ પ્રકારના તમામ સમાચાર માટેે App ડાઉનલોડ કરો.