થોરાળામાં ટીપરવાન ચાલક પર નશાખોર શખ્સનો છરીથી હુમલો

થોરાળામાં ટીપરવાન ચાલક નયન નામના યુવક પર ઘસી આવેલા ધમો સહિતના બે શખ્સોએ ઝઘડો કરી છરી ઝીંકી દેતા લોહીલુહાણ હાલતમાં સારવારમાં સિવિલ હોસ્પિટલમાં ખસેડવામાં આવ્યા હતા.બનાવ અંગે થોરાળા પોલીસ મથકે ફરિયાદ નોંધાઈ હતી. વધુમાં ફરિયાદી હરેશભાઇ મોહનભાઇ ખીમસુરીયા (રહે. થોરાળા) એ જણાવ્યું હતું કે,
ગતરોજ સાંજના હું મારા મિત્ર નયનભાઈ રામજીભાઈ સરવૈયા (ઉ.વ.24) સાથે અજય કાંટા પાસે આવેલ હોટલે થી ચા પીને બાઇકમાં આવતાં હતાં ત્યારે રસ્તામાં ઉભેલા દારૂના નશામાં ધૂત ધમા અને અજય નામના શખ્સે બાઇકને આંતરી મારૂં સામું કેમ જોવે છે કહી ગાળો આપવા લાગ્યો હતો જે બાદ તેમને અમારી ભૂલ થઈ ગઈ તેવું કહેવા છતાં નયન પર છરીથી હુમલો કરી હત્યાનો પ્રયાસ કર્યો હતો. ઇજાગ્રસ્તને લોહીલુહાણ હાલતમાં સારવારમાં હોસ્પિટલે ખસેડાયો હતો. બનાવ અંગેની ફરિયાદ પરથી થોરાળા પોલીસ મથકના એ.એસ.આઈ જે પી નિમાવતે ગુનો નોંધી તપાસ હાથ ધરી હાતી.

આ પ્રકારના તમામ સમાચાર માટેે App ડાઉનલોડ કરો.