ચંદીગઢના પંજાબ રાજભવન ખાતે ભગવાન મહાવીરના ૨૫૫૦ માં નિર્વાણ વર્ષ પર રાષ્ટ્રીય પરિસંવાદનું અહિંસા ભારતી દ્વારા આયોજન

ચંદીગઢના પંજાબ રાજભવન ખાતે

ભગવાન મહાવીરના ૨૫૫૦ માં નિર્વાણ વર્ષ પર રાષ્ટ્રીય પરિસંવાદનું અહિંસા ભારતી દ્વારા આયોજન

રાજ્યપાલ ગુલાબચંદ કટારિયા અને આચાર્ય લોકેશજીની હાજરીમાં 'ભગવાન મહાવીરના દર્શનથી વિશ્વ શાંતિ અને વિકાસ' નામના રાષ્ટ્રીય પરિસંવાદમાં ઘણા દિગ્ગજ લોકો ભાગ લેશે.
ભગવાન મહાવીરના દર્શન વર્તમાન વૈશ્વિક સંદર્ભમાં ખૂબ જ સુસંગત અને ઉપયોગી છે – આચાર્ય લોકેશજી
‘અહિંસા વિશ્વ ભારતી’ સંસ્થા દ્વારા ભગવાન મહાવીરના ૨૫૫૦ માં નિર્વાણ વર્ષ નિમિત્તે વિશ્વ શાંતિ દૂત જૈન આચાર્ય લોકેશજી અને પંજાબના રાજ્યપાલ ગુલાબચંદ કટારિયાનાં સાનિધ્યમાં ચંદીગઢ, પંજાબના રાજભવન ઓડિટોરિયમમાં ૨૬ ઓક્ટોબર, ૨૦૨૪ ના રોજ ‘ભગવાન મહાવીર દર્શનથી વિશ્વ શાંતિ અને વિકાસ’ રાષ્ટ્રીય પરિસંવાદનું આયોજન થવા જઈ રહ્યું છે. આ કોન્ફરન્સમાં જાણીતા ફિલોસોફર્સ, વિદ્વાનો, મીડિયા કર્મચારીઓ, સામાજિક કાર્યકરો, ઉદ્યોગપતિઓ, શિક્ષણ અને તબીબી ક્ષેત્રના પ્રતિષ્ઠિત લોકો ભાગ લેશે.
ઉલ્લેખનીય છે કે માનનીય વડાપ્રધાન નરેન્દ્રભાઈ મોદીએ નવી દિલ્હીમાં ભારત મંડપમ ખાતે ભગવાન મહાવીરના ૨૫૫૦ મા નિર્વાણ વર્ષની ઉજવણીનું ઉદઘાટન કર્યું હતું. આ ક્રમમાં પૂજ્ય આચાર્ય લોકેશજીએ કેલિફોર્નિયા એસેમ્બલી અને સેનેટ, બ્રિટિશ પાર્લામેન્ટ, કેનેડાની ઓન્ટારિયો સંસદ અને ઉત્તરાખંડ રાજભવનમાં ભગવાન મહાવીરના ૨૫૫૦ માં નિર્વાણ વર્ષનું આયોજન કર્યું છે.
આચાર્ય લોકેશજીએ જણાવ્યું કે, “રાષ્ટ્રીય પરિસંવાદમાં ભગવાન મહાવીરના દર્શનના વિવિધ પાસાઓ અને નીતિ ઘડતર અને રોજબરોજના જીવનમાં તેનો કેવી રીતે સમાવેશ કરી શકાય તેની ચર્ચા કરવામાં આવશે. વર્તમાન સંદર્ભમાં ભગવાન મહાવીરની ફિલસૂફી એ ભારતીય સંસ્કૃતિ દ્વારા વિશ્વ શાંતિની સ્થાપના અને ટકાઉ વિકાસ માટે ખૂબ જ સુસંગત છે. ભગવાન મહાવીર ફિલસૂફીના અહિંસા, અનેકાંત અને અપરિગ્રહના ત્રણ સિદ્ધાંતો દ્વારા વિશ્વ શાંતિ અને આધ્યાત્મિકતા આધારિત વિકાસ શક્ય છે. ભૌતિકવાદી વિકાસ, આતંકવાદ અને યુદ્ધોના રૂપમાં હિંસા, ધાર્મિક કટ્ટરવાદ જેવી અનેક સળગતી વૈશ્વિક સમસ્યાઓ, અસમાનતા, શોષણ અને ભ્રષ્ટાચારના કારણે આપણા પર્યાવરણ અને કુદરતી સંસાધનોના મોટાપાયે અધોગતિનો ઉકેલ ભગવાન મહાવીરના સિદ્ધાંતો દ્વારા શક્ય છે. સેમિનારનું રાષ્ટ્રીય અને આંતરરાષ્ટ્રીય સ્તરે અમૂલ્ય મહત્વ રહેશે. ‘અહિંસા વિશ્વ ભારતી’ના તમામ કાર્યકરો રાજભવનના સહયોગથી કાર્યક્રમને સફળ બનાવવા જહેમત ઉઠાવી રહ્યા છે.

રિપોર્ટ નટવરલાલ ભાતિયા

આ પ્રકારના તમામ સમાચાર માટેે App ડાઉનલોડ કરો.