વિજયનગર પોલીસ સ્ટેશનના પ્રોહીબીશનના ગુન્હામાં નાસતા ફરતા આરોપીને ઝડપી પાડતી લોકલ ક્રાઇમ બ્રાન્ચ સાબરકાંઠા

નાયબ પોલીસ મહાનિરીક્ષકશ્રી વિરેન્દ્રસિંહ યાદવ સાહેબશ્રી ગાંધીનગર વિભાગ ગાંધીનગર તથા પોલીસ અધિક્ષકશ્રી વિજય પટેલ સાહેબશ્રી સાબરકાંઠાનાઓએ નાસતા ફરતા આરોપીઓ પકડવાની અસરકારક કામગીરી કરવા આપેલ સુચના અન્વયે પોલીસ ઇન્સ્પેક્ટરશ્રી એસ.એન.કરંગીયા સાહેબ એલ.સી.બી.સાબરકાંઠાનાઓના માર્ગદર્શન હેઠળ એલ.સી.બી. સ્ટાફના પોલીસ ઇન્સ્પેક્ટરશ્રી એલ.પી.રાણા પેરોલફર્લો એલ.સી.બી તથા અ.પો.કો ગોપાલભાઇ પ્રવિણભાઇ તથા અ.પો.કો વિક્રમસિંહ મંગળસિંહ તથા અ.પો.કો પ્રવિણસિંહ ચતુરસિંહ નાઓ નાસતા ફરતા આરોપીઓની તપાસમાં હતાં.

દરમ્યાન અ.પો.કો ગોપાલભાઇ તથા અ.પો.કો પ્રવિણસિંહ નાઓને બાતમીદારથી સંયુક્ત બાતમી મળેલ કે, વિજયનગર પોલીસ સ્ટેશન સી.પાર્ટ ગુ.ર.નં.૧૧૨૦૯૦૫૫૨૪૦૩૧૨/ ૨૦૨૪ પ્રોહી એકટ ક.૬૫(એ.ઈ). ૮૧.૮૩ મુજબના ગુન્હામાં સંડોવાયેલ અને છેલ્લા ત્રણ માસથી પકડવાનો બાકી નાસતો ફરતો આરોપી રામેશ્વર નાથુજી તબીયાડ રહે.જુવારવા પાટીયા તા.નયાગાવ જી.ઉદેપુર રાજસ્થાન નાનો વાદળી કલરનો અડધી બોયનો શર્ટ તથા રાખોડી કલરનું પેન્ટ પહેરેલ છે અને તે હિંમતનગર બસ સ્ટેન્ડ આગળ રોડ ઉપર ઉભો છે જે બાતમી હકીકત આધારે તાત્કાલિક ઉપરોક્ત સ્ટાફના માણસો સાથે હિંમતનગર બસ સ્ટેન્ડ આગળ રોડ ઉપર જતા બાતમી વાળો ઇસમ હાજર હોય જેને કોર્ડન કરી પકડી પાડી તેનું નામઠામ પુછતાં પોતે પોતાનું નામ રામેશ્વર નાથુજી તબીયાડ ઉ.વ.૪૬ રહે.જુવારવા પાટીયા તા.નયાગાવ જી.ઉદેપુર રાજસ્થાનનો હોવાનું જણાવેલ જેથી સદરી ઇસમને ઉપરોક્ત ગુન્હા બાબતે પુછપરછ કરી તેમજ ગુન્હાઓના રેકર્ડ તથા ઇ.ગુજકોપ એપ્લીકેશન આધારે તપાસ કરતા સદરી ઇસમ વિરૂધ્ધ વિજયનગર પોલીસ સ્ટેશન સી.પાર્ટ ગુ.ર.નં.૧૧૨૦૯૦૫૫૨૪૦૩૧૨/૨૦૨૪ પ્રોહી એકટ ક.૬૫(એ.ઈ).૮૧.૮૩ મુજબના ગુન્હાના કામે નાસતો ફરતો હોવાનુ જણાઇ આવેલ.

જેથી સદરી નાસતા ફરતા આરોપી રામેશ્વર નાથુજી તબીયાડ રહે.જુવારવા પાટીયા તા.નયાગાવ જી.ઉદેપુર રાજસ્થાન વાળાને વિજયનગર પોલીસ સ્ટેશન સી.પાર્ટ ગુ.ર.નં. ૧૧૨૦૯૦ ૫૫૨૪૦૩૧૨/૨૦૨૪ પ્રોહી એકટ ક.૬૫(એ.ઈ).૮૧.૮૩ મુજબના કામે ભારતીય નાગરીક સુરક્ષા સંહિતા કલમ.૩૫(૧) (જે) મુજબ અટક કરી આગળની ઘટતી કાર્યવાહી સારૂ મોડાસા રૂરલ પોલીસ સ્ટેશન જી.અરવલ્લી ખાતે સોંપવા કાર્યવાહી કરવામાં આવેલ છે.

આમ લોકલ ક્રાઇમ બ્રાન્ચ સાબરકાંઠા દ્વારા વિજયનગર પોલીસ સ્ટેશનના પ્રોહીબીશનના ગુન્હામાં નાસતા ફરતા આરોપીને પકડવામાં સફળતા મેળવેલ છે.

( રિપોર્ટર હસન અલી સાબરકાંઠા )

આ પ્રકારના તમામ સમાચાર માટેે App ડાઉનલોડ કરો.