રાજકોટના યુવાનનું હરિયાણામાં મોત, હોટેલ સંચાલકે લાશ સળગાવી દીધી

બદનામીના ભયે લાશને જંગલમાં લઇ જઇ સળગાવી દીધાનું આરોપીઓનું રટણ

સરપંચની ફરિયાદના આધારે ખુનનો ગુનો નોંધાયો, FSL રિપોર્ટ બાદ કારણ સ્પષ્ટ થશે

રાજકોટથી હરિયાણા ફરવા ગયેલા યુવકની હરિયાણાના લુહાના જંગલમાંથી અર્ધ સળગેલી હાલતમાં લાશ મળી આવી હતી, યુવકની લાશ તે જે હોટેલમાં રોકાયો હતો તે હોટેલના સંચાલક અને મેનેજરે જ જંગલમાં ફેંકીને સળગાવી દીધાનો ભાંડાફોડ થતાં હરિયાણા પોલીસે બંને આરોપીની ધરપકડ કરી હતી, જોકે યુવકની હત્યા કરવામાં આવી હતી કે તેનું મૃત્યુ થતાં લાશ સળગાવી દેવાઇ તે ફોરેન્સિક રિપોર્ટ બાદ સ્પષ્ટ થશે. હરિયાણાના લુહાના જંગલમાંથી અર્ધ સળગેલી લાશ મળી આવી હતી, હરિયાણા પોલીસે લાશનું ફોરેન્સિક પોસ્ટમોર્ટમ કરાવ્યું હતું અને અજાણ્યા શખ્સો સામે હત્યાનો ગુનો નોંધી તપાસ શરૂ કરી હતી, લાશ જ્યાંથી મળી ત્યાંથી એક મોબાઇલ ફોન પણ પોલીસને મળી આવ્યો હતો, તે મોબાઇલના આધારે પોલીસે તપાસ આગળ ધપાવતાં મૃતક રાજકોટના માધાપરમાં રહેતો ધર્મેશ કિરીટભાઇ જોષી (ઉ.વ.46) હોવાનું ખુલ્યું હતું,

આ પ્રકારના તમામ સમાચાર માટેે App ડાઉનલોડ કરો.