જામળા અને આસપાસના વિસ્તારોમાં ૧૦૦૮ બિલ્વવૃક્ષ વાવવાનો જામળા સરપંચશ્રીએ નિર્ધાર કર્યો ધારાસભ્યશ્રી વી.ડી.ઝાલાના હસ્તે બિલ્વવૃક્ષ વાવી અભિયાનની શરૂઆત કરી

જામળા અને આસપાસના વિસ્તારોમાં ૧૦૦૮ બિલ્વવૃક્ષ વાવવાનો જામળા સરપંચશ્રીએ નિર્ધાર કર્યો
*******
ધારાસભ્યશ્રી વી.ડી.ઝાલાના હસ્તે બિલ્વવૃક્ષ વાવી અભિયાનની શરૂઆત કરી
********

સાબરકાંઠા જિલ્લાના હિંમતનગરના જામળા ખાતે સરપંચશ્રી મહેન્દ્રસિંહ રાઠોડ ૧૦૦૮ બિલ્વવૃક્ષ વાવવાનો નિર્ધાર કર્યો છે. આ નિર્ધારને પૂર્ણ કરવા માટે ધારાસભ્યશ્રી વી.ડી. ઝાલાના હસ્તે બિલ્વ વૃક્ષના છોડનું વાવેતર કરાયું.
હિંદુ ધર્મમાં બિલ્વ વૃક્ષનું અનેરૂ મહત્વ છે. બિલ્વ વૃક્ષના પાન ભગવાન શિવને અત્યંત પ્રિય છે. તેમજ આ વૃક્ષમાં અનેક ઔષધિય ગુણ છે. શ્રાવણ માસમાં ભગવાન શિવને બિલ્વ પત્ર ચઢાવામાં આવે છે જેનાથી ભગવાન શિવની વિશેષ કૃપા પ્રાપ્ત થાય છે. બિલ્વ વૃક્ષના ફળ પણ ખુબ જ ઉપયોગી છે. બિલ્વ વૃક્ષ વાવવાથી અને તેનો ઉછેર કરવાથી અનેક પ્રકારના પુણ્ય પ્રાપ્ત થાય છે.
આ પ્રસંગે અગ્રણી શ્રી જેઠાલાલ પટેલ, પ્રવીણભાઇ પટેલ, રાજેંદ્રસિંહ પઢીયાર, યુવરાજસિંહ રાઠોડ, ગ્રામજનો ઉપસ્થિત રહ્યા હતા.

આ પ્રકારના તમામ સમાચાર માટેે App ડાઉનલોડ કરો.