જંગલેશ્વરમાં સાળા-બનેવી વચ્ચે પાઇપથી મારામારી : બંને ગંભીર રીતે ઘાયલ
જંગલેશ્વર શાક માર્કેટ પાસે સાળા-બનેવી વચ્ચે પાઇપથી મારામારી થતા બંને યુવાનોને ઇજાગ્રસ્ત હાલતમાં સારવારમાં ખસેડવામાં આવ્યા હતા. બનાવ અંગે જાણ થતા ભકિતનગર પોલીસની ટીમ દોડી ગઇ હતી. પ્રાપ્ત વિગત મુજબ જંગલેશ્વર મેઇન રોડ પર રહેતા ચંદ્રપ્રકાશ શારદાપ્રકાશ યાદવ (ઉ.વ.26) સવારના 10 વાગ્યે જંગલેશ્વર શાક માર્કેટ પાસે હતો
ત્યારે ધસી આવેલા ચંદ્રભાણ યાદવ નામના શખ્સે ઝઘડો કરી લોખંડના પાઇપથી હુમલો કરતા યુવાનને ગંભીર ઇજા પહોંચતા સારવારમાં સિવિલ હોસ્પિટલમાં ખસેડાયો હતો. વધુમાં ઇજાગ્રસ્ત યુવાને જણાવ્યું હતું કે હુમલો કરનાર ચંદ્રભાણ તેમનો સાળો થાય છે અને તેને મારી બહેનને ઘર ખર્ચના રૂપિયા કેમ આપતા નથી કહી માર માર્યો હતો.
જયારે સામાપક્ષે બાપુનગરમાં રહેતા ચંદ્રભાણ રામપ્રસાદ યાદવ (ઉ.વ.27) પણ ઇજાગ્રસ્ત હાલતમાં સિવિલ હોસ્પિટલમાં સારવાર માટે દાખલ થયેલ હતા. જેઓએ જણાવ્યું હતું કે તે જંગલેશ્વર શાક માર્કેટ પાસે હતો ત્યારે તેમના બનેવી ચંદ્રપ્રકાશ યાદવે તેમની બહેન મામલે ઝઘડો કરી માર માર્યો હતો. બનાવ અંગે જાણ થતા ભકિતનગર પોલીસ મથકની ટીમ દોડી ગઇ હતી અને ઇજાગ્રસ્તોના નિવેદન નોંધી તપાસ હાથ ધરેલ હતી.
9879405838
આ પ્રકારના તમામ સમાચાર માટેે
App ડાઉનલોડ કરો.