ગોવર્ધન ચોક પાસે ઓટો રિક્ષામાંથી દારૂના જથ્થા સાથે બે શખ્સો ઝડપાયા

ગોવાથી આવેલો દારૂનો જથ્થો રીક્ષા મારફતે સપ્લાય થાય તે પહેલાં જ માલવીયનગર પોલીસે ઝડપી લઈ બે શખ્સોની ધરપકડ કરી રૂ.77800 નો મુદ્દામાલ કબ્જે કર્યો હતો.
દરોડાની વિગત અનુસાર, માલવીયનગર પોલીસ મથકના પીઆઇ એ.બી.જાડેજાની રાહબરીમાં પીએસઆઇ મોહન મહેશ્વરી ટીમ સાથે પેટ્રોલિંગમાં હતાં ત્યારે સાથેના હેડ કોન્સ્ટેબલ અજય વિકમા અને કોન્સ્ટેબલ અંકિત નિમાવતને ગોવર્ધન ચોક પાસે એક ઓટો રિક્ષામાં દારૂનો જથ્થો ભરેલ છે, તેવી મળેલ ચોક્કસ બાતમીના આધારે સ્ટાફે દરોડો પાડી રીક્ષામાં બેસેલા બે શખ્સોની અટક કરી નામ પૂછતાં જમાલ કાસમ અભેંસરા (ઉ.વ.40) (રહે.ખોડીયારનગર શેરી નં.1/6, એસ.ટી.વર્ક શોપ પાછળ) અને સાહીલ ઇકબાલ લીંગળીયા (ઉ.વ.23),(રહે.ખોડીયારનગર શેરી નં.15) હોવાનું જણાવ્યું હતું. પોલીસે રિક્ષામાં તપાસ તેમાંથી દારૂની 158 બોટલ મળી આવતા બંને શખ્સોની ધરપકડ કરી રૂ.77800 નો મુદ્દામાલ કબ્જે કર્યો હતો.
બંને શખ્સોની પુછપરછમાં તેઓએ દારૂ ગોવાથી મંગાવ્યો હતો. જે ખાનગી બસમાંથી ઉતારી સપ્લાય કરવાં જતાં હતાં ત્યારે પોલીસે દરોડો પાડ્યો હતો.
9879405838

આ પ્રકારના તમામ સમાચાર માટેે App ડાઉનલોડ કરો.