પેડક રોડ પર ઈમીટેશનના કારખાનામાં ચાલતા જુગાર ધામમાં દરોડો: વેપારી સહિત 9 શખ્સો ઝડપાયા

આડા પેડક રોડ પર આવેલ બાપા સીતારામ ઈમીટેશન નામના કારખાનામાં ચાલતા જુગાર ધામમાં બી ડીવીઝન પોલીસે દરોડો પાડી જુગાર રમતા ખેડૂત, વેપારી સહિત નવ શખ્સોને દબોચી રૂા.22930ની રોકડ કબ્જે કરી હતી.
દરોડાના વિગત મુજબ બી ડીવીઝન પોલીસ મથકના પીએસઆઈ એ.બી.ચૌધરી સ્ટાફ સાથે પેટ્રોલીંગમાં હતા ત્યારે સાથેના એએસઆઈ રવિરાજસિંહ જાડેજા સહિતના સ્ટાફને આડા પેડક રોડ પર સરદાર ફર્નીચર, સ્વીમીંગ પુલથી આગળ બાપા સીતારામ ઈમીટેશન નામના કારખાનામાં ભરત રતી પાનસુરીયા નામનો કારખાનેદાર બહારથી માણસો બોલાવી જુગાર રમાડે છે તેવી મળેલ ચોકકસ બાતમીના આધારે દરોડો પાડી ભરત રતી પાનસુરીયા (રહે. કબીરવન સોસાયટી શેરી નં.2) સંજય બીપીન અજાણી (રહે. મનહર સોસાયટી શેરી નં.2) રવિ હસમુખ લીંબાસીયા (રહે. ગાંધી સ્મૃતિ સોસાયટી-2) વિશાલ મનસુખ સંચાણીયા (રહે. કૈલાસધારા સોસાયટી શેરી નં.3) મહેશ ધીરૂ ઝાપડીયા (રહે. નારીયાવાડી વિસ્તાર, બરવાડા જસદણ), કિશન જેન્તી સાપરીયા (રહે.કૈલાસધારા સોસાયટી શેરી નં.3) સુરજ દીનેશ વેકરીયા (રહે. સોરઠીયા પાર્ક શેરી નં.3) મહેન્દ્રસિંહ ઉર્ફે યુવરાજસિંહ ઘનશ્યામસિંહ મોરી (રહે. ગુજરાત હા.બોર્ડ સંતકબીર રોડ) અને મયંક રાજેશ રાઠોડ (ગુજરાત હા.બોર્ડ)ને પકડી રૂા.22930ની રોકડ કબ્જે કરી હતી. વધુમાં પોલીસે જણાવ્યું હતું કે જુગારીઓ રજાના દિવસે મહેફીલ માણતા હોવાની કબુલાત આપી હતી.

આ પ્રકારના તમામ સમાચાર માટેે App ડાઉનલોડ કરો.