પોરબંદરની યુવાપેઢીમાં વધતું જતું બ્લડપ્રેશરનું પ્રમાણ ચિંતાજનક

આધુનિક અને તનાવભરી જિંદગીમાં વિદ્યાર્થીઓ પણ બન્યા છે લો બી.પી.નો શિકાર:હેલ્થ એજ્યુકેશન એન્ડ ચેરીટેબલ ટ્રસ્ટ દ્વારા બી.પી,થી બચવા થયા મહત્વના સુચનો

હાલના સમયમાં યુવાપેઢીમાં ભણતર અને કામનો બોજ સતત વધતો જાય છે,આ સ્પર્ધાત્મક જમાનામાં યુવાનો આગળ વધવા માટે દિવસ-રાત મહેનત કરે છે પુરતું ભોજન કે ઊંઘ લઇ શકતા નથી.અને સતત ચિતામાં રહે છે તેથી :હેલ્થ એજ્યુકેશન એન્ડ ચેરીટેબલ ટ્રસ્ટ દ્વારા બી.પી,થી બચવા માટે મહત્વના સુચનો કરવામાં આવ્યા છે.
પોરબંદરની હેલ્થ એજ્યુકેશન એન્ડ ચેરીટેબલ ટ્રસ્ટના ચેરમેન રામદેવભાઈ મોઢવાડિયાએ જણાવ્યું હતું કે,હાલ પોરબંદરના યુવાનોમાં લો બી.પી અને હાઈ બી.પી. ના બનાવોમાં વધારો થયો છે.
તાજેતરમાં યુવાપેઢીમાં લો બ્લડ પ્રેશરનો વ્યાપ બહુ વધ્યો છે.જયારે હાયપોટેન્શન મોટાભાગે વૃદ્ધ પુખ્ત વયના લોકો સાથે સંકળાયેલું હોય છે, તે યુવાન વ્યક્તિઓમાં પણ અસામાન્ય નથી.વાસ્તવમાં અભ્યાસો સૂચવે છે કે આશરે ૧૦ થી ૨૦% યુવાન વયસ્કો હાયપોટેન્શનનો અનુભવ કરે છે.
યુવાપેઢીમાં લો બ્લડ પ્રેશર પાછળના કારણો શું છે? તે વિષે માહિતી આપતા રામદેવભાઈ મોઢવાડિયાએ જણાવ્યું હતું કે,આનુવંશિકતા હાયપોટેન્શનનો પારિવારિક ઇતિહાસ યુવાન વ્યક્તિમાં આ સ્થિતિ વિકસાવવાની સંભાવનાને વધારી શકે છે.કેટલાક આનુવંશિક પરિવર્તન બ્લડ પ્રેશરના નિયમનને અસર કરી શકે છે.નબળો આહાર પણ અસર કરે છે,વિટામિન બી-૧૨, આયર્ન અને ફોલેટ જેવા આવશ્યક પોષક તત્વોનો અભાવ ધરાવતા આહાર હાયપોટેન્શનમાં ફાળો આપી શકે છે. પ્રવાહીનું અપુરતું સેવન અને ડિહાઇડ્રેશન પણ લો બ્લડ પ્રેશર તરફ દોરી શકે છે.બેઠાડુ જીવનશૈલી બ્લડ પ્રેશરમાં પરિણમી શકે છે, કારણ કે નિયમિત શારીરિક પ્રવૃત્તિ તંદુરસ્ત બ્લડ પ્રેશર જાળવવામાં મદદ કરે છે.ક્રોનિક તણાવ અને અસ્વસ્થતા અમુક વ્યક્તિઓમાં હાયપોટેન્શનનું કારણ બની શકે છે. અમુક દવાઓ પણ બ્લડ પ્રેશર ઘટાડી શકે છે.એનિમિયા, ડાયાબિટીસ અને થાઇરોઇડ વિકૃતિઓ જેવી કેટલીક તબીબી સ્થિતિઓ હાયપોટેન્શનનું કારણ બની શકે છે.ડિહાઇડ્રેશન અને ઇલેક્ટ્રોલાઇટ અસંતુલન પ્રવાહી અને ઇલેક્ટ્રોલાઇટનું અપુરતું સેવન બ્લડ પ્રેશરના નિયમનમાં વિક્ષેપ પાડી શકે છે.ઊંઘની અછત અને ઊંઘની પદ્ધતિમાં વિક્ષેપ હાયપોટેન્શનમાં ફાળો આપી શકે છે.પર્યાવરણીય ઝેર, અતિશય તાપમાન અને ઉચ્ચ ઊંચાઈ પણ બ્લડ પ્રેશરને અસર કરી શકે છે.
વધુમાં રામદેવભાઈએ જણાવ્યું હતું કે,જ્યારે લો બી.પી. થાય ત્યારે ગફલતમાં રહ્યા વગર તાત્કાલિક હોસ્પીટલે જવું,અસહ્ય બફારામાં કે ગરમીમાં રહેવાનું ટાળવું,દિવસમાં પાણી અને પ્રવાહી વધુ પ્રમાણમાં લેવું,જંકફુડ લેવાનું ટાળો અને સાત્વિક ભોજન લેવાનો આગ્રહ રાખો,નિયમિત ઊંઘ લેવી જરૂરી છે.યોગ,કસરત અને પ્રાણાયામથી શારીરિક અને માનસિક સ્વસ્થતા વધશે,તેથી યુવાઓએ ચિંતા,અસંતુલિત આહાર,અપુરતી નિંદ્રા,વ્યસનો છોડી સ્વસ્થ અને શાંતિપુર્ણ જીવન ગાળવું જોઈએ જેથી હાઈ અને લો બ્લડપ્રેસર જેવા રોગો નાનપણથી શરીરમાં પ્રવેશે નહી,જો તમે હાઈ કે લો બ્લડ પ્રેસરના શિકાર બન્યા છો તો નિયમિતપણે તબીબોની સલાહ લઇ દવા લો,દવા લેવાનું ટાળશો તો હાર્ટએટેકના હુમલાના શિકાર બનશો આવી કોઈ ગંભીર પરિસ્થિતિનું નિર્માણ થાય તે પહેલા બી.પી.નું નિયમિત ચેકઅપ કરાવી તબીબની સલાહ મુજબ દવા અને સારવાર લેવી જરૂરી છે.તેમ રામદેવભાઈ મોઢવાડિયાએ જણાવ્યું હતુ.

આ પ્રકારના તમામ સમાચાર માટેે App ડાઉનલોડ કરો.