સુરેન્દ્રનગર જિલ્લાના મુળી ખાતે યોગના વિવિધ કાર્યક્રમો યોજાશે.

તા.21/12/2022/બાવળિયા ઉમેશભાઈ સુરેન્દ્રનગર

ગુજરાત રાજ્ય યોગ બોર્ડ દ્વારા યોગ શિબિર, યોગ પે ચર્ચા, યોગ જાગરણ રેલી અને યોગ સંવાદ જેવા વિવિધ કાર્યક્રમોનું આયોજન કરવામાં આવ્યું છે. જે અંતર્ગત સુરેન્દ્રનગર જિલ્લામાં ગુજરાત રાજ્ય યોગ બોર્ડના જિલ્લા કો-ઓર્ડીનેટર નીતાબેન દેસાઈ દ્વારા તારીખ 23/12/2022 ના રોજ મૂળીના સ્વામિનારાયણ મંદિરથી મુળી ગામ દરવાજા સુધી સવારે 10:00 કલાકથી 11:00 કલાક સુધી યોગ રેલી અને સવારે 11:00 કલાકથી 12:00 કલાક સુધી યોગ પે ચર્ચા કાર્યક્રમ યોજાશે. આ ઉપરાંત તારીખ 24/12/2022 ના રોજ મુળી સ્વામિનારાયણ મંદિર સામે, કોમ્યુનિટી હોલના ગ્રાઉન્ડ ખાતે સવારે 7:00 કલાકથી 9:00 કલાક સુધી યોગ શિબિર અને સવારે 9:00 કલાકથી 10:00 કલાક સુધી યોગ સંવાદ કાર્યક્રમ યોજાશે ઉપરોક્ત કાર્યક્રમમાં સૌ લોકોને સહભાગી થવા સુરેન્દ્રનગર જિલ્લા યોગ કો-ઓર્ડીનેટર દ્વારા અનુરોધ કરાયો છે.

આ પ્રકારના તમામ સમાચાર માટેે App ડાઉનલોડ કરો.