જાગનાથ પ્લોટમાં દારૂની મહેફીલમાં રંગમાં ભંગ પાડતી પોલીસ: છ શખ્સો ઝડપાયા

જાગનાથ પ્લોટમાં આવેલ ઠકકરબાપા શેરી નં.6માં ચાલતી દારૂની મહેફીલમાં પોલીસે દરોડો પાડી છ શખ્સોને દબોચી દારૂની બોટલ સાથે બાઈટીંગનો સમાન કબ્જે કરી કાર્યવાહી કરી હતી.

દરોડાની વિગત અનુસાર, પ્રનગર પોલીસ મથકના પીઆઈ એમ.એમ. ગોંડલીયાની રાહબરીમાં એએસઆઈ સી.એન.ચાવડા ટીમ સાથે પેટ્રોલીંગમાં હતા ત્યારે જાગનાથ પ્લોટ જૈન દેરાસરની પાછળ રહેતા દિપક શંકર ગોહેલના મકાનમાં દારૂની મહેફીલ ચાલે છે તેવી ચોકકસ બાતમીના આધારે કોન્સ્ટેબલ મહાવીરસિંહ જાડેજા, કનુભાઈ, તુલસીભાઈ સહીતના સ્ટાફે મોડીરાત્રે દરોડો પાડી દારૂની મહેફીલ માંગતા મકાન માલીક દીપક શંકર ગોહેલ (ઉ.વ.39) (ધંધો ડ્રાઈવીંગ), સંજય શંકર વાઘેલા (ઉ.વ.36) (રહે. જંકશન કોઠી કમ્પાઉન્ડ) (ધંધો ડ્રાઈવીંગ), ધવલ રાજેશ ગોહેલ (ઉ.વ.22) (રહે. ઠકકરબાપા શેરી નં.6, જાગનાથ પ્લોટ), (ધંધો નોકરી) નિતીન કીશોર વાડોદરા (ઉ.વ.34) (રહે.ઠકકરબાપા) (ધંધો ડ્રાઈવીંગ), વિક્રાંત જગદીશ શીંગાળા (ઉ.વ.33) (રહે.ઠકકરબાપા છત્રીસ કવાર્ટર) (ધંધો નોકરી) અને મનોજ દેવજી શિંગાળા (ઉ.વ.35) (રહે.અમરજીતનગર) (ધંધો સફાઈકામ) ને દબોચી દારૂની એક બોટલ, વેફર, વટાણા, મગદાળ સહીતનો મુદામાલ કબ્જે કરી કાયદેસરની કાર્યવાહી કરી હતી.
9879405838

આ પ્રકારના તમામ સમાચાર માટેે App ડાઉનલોડ કરો.