તમન્ના ભાટિયા સાથે રિલેશનશિપ અંગે બોલ્યો વિજય વર્મા:કહ્યું, ‘લોકોને આ વાતમાં કેટલો રસ છે તે જાણીને ઝટકો લાગ્યો, પરંતુ હવે પબ્લિક અટેંશનની આદત થઇ ગઈ છે’

વિજય વર્મા પ્રોફેશનલ લાઈફની સાથે-સાથે પર્સનલ લાઈફને કારણે પણ ચર્ચામાં રહે છે. વિજય છેલ્લા કેટલાક સમયથી એક્ટ્રેસ તમન્ના ભાટિયા સાથે રિલેશનશિપમાં છે. બંને ઘણીવાર સાથે જોવા મળે છે. હાલમાં જ એક ઇન્ટરવ્યૂમાં વિજયે તમન્ના સાથેના તેમના બોન્ડિંગ વિશે વાત કરી હતી. તેમણે કહ્યું કે જ્યારે તેમના અને તમન્નાના ડેટિંગના સમાચાર સામે આવ્યા ત્યારે તે લોકોની પ્રતિક્રિયા જોઈને આશ્ચર્યચકિત થઈ ગયો હતો. મેશેબલ ઈન્ડિયાને આપેલા એક ઇન્ટરવ્યૂમાં વિજયે કહ્યું, 'લોકોને મારી લવ લાઈફમાં કેટલો રસ છે તે જોઈને હું ચોંકી ગયો હતો પરંતુ હવે મને તેની આદત પડી ગઈ છે. પહેલાં તો એવું લાગતું હતું કે મારો સંબંધ મારી ફિલ્મ રિલીઝ કરતાં મોટા સમાચાર છે, પછી મને સમજાયું કે લોકો વસ્તુઓને કેવી રીતે જુએ છે. વિજયે એમ પણ કહ્યું કે તમન્ના સાથે તેનો સંબંધ ખૂબ જ મજબૂત અને પ્રેમભર્યો છે. હવે બંને પબ્લિક અટેંશનનો ખુબ જ આનંદ લે છે. 'લસ્ટ સ્ટોરીઝ 2'ના શૂટિંગ બાદ બંને નજીક આવ્યા
વિજયે એ પણ જણાવ્યું કે તમન્ના સાથે તેનો સંબંધ 'લસ્ટ સ્ટોરીઝ 2'ના શૂટિંગ પછી શરૂ થયો હતો. 'લસ્ટ સ્ટોરીઝ 2'ના શૂટિંગ દરમિયાન બંને માત્ર કો-સ્ટાર હતા અને સેટ પર એકદમ પ્રોફેશનલ હતા. વિજયે કહ્યું કે શૂટિંગ પૂરું થયા પછી તેમણે તમન્નાને ડેટ અંગે પૂછ્યું હતું અને ધીમે-ધીમે બંને નજીક આવ્યા. તમન્નાએ ઇન્ટરવ્યૂમાં ઓફિશિયલ કન્ફ્રર્મ કર્યું હતું
વિજય અને તમન્નાએ જૂન 2023માં રિલીઝ થનારી 'લસ્ટ સ્ટોરીઝ 2'માં પહેલીવાર સાથે કામ કર્યું હતું. સુજોસ ઘોષ દ્વારા નિર્દેશિત આ પાર્ટમાં બંને જોવા મળ્યા હતા. આ પછી બંને પહેલીવાર નવા વર્ષની પાર્ટીમાં સાથે જોવા મળ્યા હતા. આ પછી તેમના ડેટિંગના સમાચાર આવવા લાગ્યા. આ પછી ગયા વર્ષે જૂનમાં તમન્નાએ એક ઇન્ટરવ્યૂમાં આ રિલેશનશિપ કન્ફ્રર્મ કરી હતી. તમન્નાએ તે ઇન્ટરવ્યૂમાં કહ્યું હતું કે વિજયે કોઈ પણ પ્રકારના એટીટ્યુડ વગર તેનો સંપર્ક કર્યો હતો અને તેને વિજય સાથે ખૂબ સારું લાગ્યું હતું. તે તેમની ખૂબ કાળજી રાખે છે. 'મિર્ઝાપુર 3'માં જોવા મળ્યો વિજય વર્મા
વર્ક ફ્રન્ટની વાત કરીએ તો વિજય વેબ સિરીઝ 'મિર્ઝાપુર 3'માં જોવા મળ્યો છે. આવનારા સમયમાં તે 'મટકા કિંગ', 'સૂર્યા 23' જેવી ફિલ્મોમાં જોવા મળશે.

આ પ્રકારના તમામ સમાચાર માટેે App ડાઉનલોડ કરો.