પ્રદર્શનકારીઓએ હિંદુ અધિકારીઓ ઉપર દબાણ કર્યું:રાજીનામું આપવાની ફરજ પાડી, બાંગ્લાદેશમાં હિંસાના નામે VIDEO વાઇરલ; જાણો સત્ય

સોશિયલ મીડિયા પર સાંપ્રદાયિક રંગ સાથે એક વીડિયો શેર કરવામાં આવી રહ્યો છે. વીડિયોમાં જોઈ શકાય છે કે લોકોનું ટોળું એક મહિલા ઓફિસર પર દબાણ કરી રહ્યું છે અને તેને પેપર પર સહી કરાવી રહ્યું છે. દાવો કરવામાં આવી રહ્યો છે કે આ વીડિયો બાંગ્લાદેશનો છે. જ્યાં ઉગ્રવાદી તત્ત્વો હિંદુઓ સરકારી અધિકારીઓ અને કર્મચારીઓને રાજીનામા પત્રો લખવા માટે દબાણ કરી રહ્યા છે અને તેમને સરકારી નોકરીમાંથી બહાર કરી રહ્યા છે. આ વિડિયો X પર ઘણા વેરિફાઇડ અને નોન-વેરિફાઇડ યુઝર્સે શેર કર્યો હતો. એક વેરિફાઈડ યુઝરે લખ્યું- બાંગ્લાદેશમાં ઈસ્લામિક હત્યારા જમાત-એ-ઈસ્લામી, BNP અને તેમની સાથે ઊભેલા મુસ્લિમો હવે હિંદુ સરકારી અધિકારીઓ અને કર્મચારીઓને રાજીનામું પત્ર લખવા માટે દબાણ કરી રહ્યા છે અને તેમને સરકારી નોકરીમાંથી બહાર કરી રહ્યા છે.
આ ઉપરાંત, તેઓ હજુ પણ હિંદુઓની હત્યા કરી રહ્યા છે અને મહિલાઓનું અપહરણ અને બળાત્કાર કરી રહ્યા છે. આપણા ભારતમાં, હિંદુઓ, થોડા પૈસાના લોભમાં, જેહાદીઓને મકાનો અને દુકાનો ભાડે આપીને તેમને પડોશમાં સ્થાયી કરે છે. ( આર્કાઇવ ) વાઇરલ વીડિયોનું સત્ય... વાઇરલ વીડિયો વિશે સત્ય જાણવા માટે, અમે તેની કી ફ્રેમ રિવર્સ સર્ચ કરી. શોધ કરવા પર, અમને ડિજિટલ બાંગ્લા મીડિયા નામની યુટ્યૂબ ચેનલ પર માહિતી સાથેનો આ વીડિયો મળ્યો. ચેનલ અનુસાર, બાંગ્લાદેશની કબી નઝરુલ સરકારી કોલેજના પ્રિન્સિપાલ અમીના બેગમે વિદ્યાર્થીઓના વિરોધમાં રાજીનામું આપી દીધું હતું. તપાસના આગલા તબક્કામાં, અમે Google પર આનાથી સંબંધિત કીવર્ડ સર્ચ કર્યા. શોધ પરિણામોમાં, અમને બાંગ્લાદેશની ઘણી સ્થાનિક સમાચાર વેબસાઇટ્સ પર આને લગતા સમાચાર મળ્યા. મીડિયા અહેવાલો અનુસાર, 11 ઓગસ્ટની સવારે, કાબી નઝરૂલ સરકારી કોલેજના પ્રિન્સિપાલ, અમીના બેગમે વિદ્યાર્થીઓના વિરોધને કારણે રાજીનામું આપી દીધું હતું. વિદ્યાર્થીઓએ તેમના પર ભેદભાવનો આરોપ લગાવ્યો હતો. વિરોધ કરી રહેલા વિદ્યાર્થીઓએ 11 ઓગસ્ટની સવારે પ્રિન્સિપાલ ઓફિસનો ઘેરાવ કર્યો હતો. આ દરમિયાન વિદ્યાર્થીઓએ ફેક-ફેકના નારા લગાવ્યા હતા. ત્યારે વિદ્યાર્થીઓની માગ જોઈને પ્રિન્સિપાલ અમીના બેગમે સફેદ કાગળ પર 'મેં રાજીનામું આપ્યું છે' લખી, તેના પર સ્ટેમ્પ લગાવી અને સહી કરી. તે સ્પષ્ટ છે કે સોશિયલ મીડિયા પર વાઇરલ વીડિયોને લઈને કરવામાં આવેલો દાવો સંપૂર્ણપણે ખોટો છે.

આ પ્રકારના તમામ સમાચાર માટેે App ડાઉનલોડ કરો.