વિક્રાંત મેસી અને રઘુ રામ વચ્ચેના ઝઘડાનો વીડિયો વાઇરલ:શું પબ્લિસિટી માટે અપનાવવામાં આવેલી રણનીતિ છે?; યુઝર્સે કહ્યું- પબ્લિક મૂર્ખ નથી

વિક્રાંત મેસીનો એક વીડિયો સામે આવ્યો છે, જેમાં તે અભિનેતા રઘુ રામ સાથે લડતો જોવા મળી રહ્યો છે. બંને એકબીજા સાથે બોલાચાલી કરતા પણ જોવા મળ્યા હતા. સોશિયલ મીડિયા પર આ વીડિયો સામે આવતા જ યુઝર્સે તેને પબ્લિસિટી સ્ટંટ ગણાવ્યો હતો. યુઝર્સનું કહેવું છે કે આ પહેલા પણ વિક્રાંત પ્રમોશન માટે આવી રણનીતિ અપનાવી ચૂક્યો છે. વાસ્તવમાં, થોડા સમય પહેલા વિક્રાંતનો એક વીડિયો સામે આવ્યો હતો, જેમાં તે એક કેબ ડ્રાઈવર સાથે લડતો જોવા મળ્યો હતો. બાદમાં જાણ કરવામાં આવી હતી કે આ ઓનલાઈન કેબ બુકિંગ એપ ઈન્ડ્રાઈવનો પ્રમોશનલ વીડિયો છે. ​​​​​​યુઝર્સે તેને પબ્લિસિટી સ્ટંટ ગણાવ્યો હતો
વિક્રાંત અને રઘુના આ વીડિયો પર યુઝર્સ અલગ અલગ રીતે કોમેન્ટ કરી રહ્યા છે. એક યુઝરે કમેન્ટ કરીને લખ્યું- આ લોકો હંમેશા આ મૂર્ખતાભર્યું કામ કરે છે. પણ જનતા મૂર્ખ નથી. જ્યારે અન્ય એક યુઝરે કોમેન્ટ કરીને લખ્યું- આ એક પબ્લિસિટી સ્ટંટ છે ભાઈઓ. ઘણા સેલેબ્સ પબ્લિસિટી સ્ટંટ માટે નિમ્ન કક્ષાની હરકતો કરે છે
આવા વીડિયોને પબ્લિસિટી સ્ટંટ કહેવું ખોટું નથી. તાજેતરના વર્ષોમાં, કલાકારો ફિલ્મો અને જાહેરાતોના પ્રમોશન માટે મોટી સંખ્યામાં આવી યુક્તિઓ અપનાવી રહ્યા છે. હાલમાં જ સિંગર મિલિંદ ગાબાનો એક વીડિયો સામે આવ્યો હતો, જેમાં તે T-Series ઓફિસમાં મીટિંગ દરમિયાન દારૂ પીતો જોવા મળ્યો હતો. પાછળથી ખબર પડી કે આ બધું માત્ર પબ્લિસિટી સ્ટંટ હતું. થોડા સમય પહેલા અભિનેત્રી ઉર્વશી રૌતેલાના બાથરૂમનો એક વીડિયો સામે આવ્યો હતો, જેને પબ્લિસિટી માટે વાઇરલ પણ કરવામાં આવ્યો હતો. આ લિસ્ટમાં પૂનમ પાંડેના નામને બિલકુલ અવગણી શકાય તેમ નથી. કેન્સરની જાગૃતિ ફેલાવવા માટે તેણે સમગ્ર મીડિયામાં તેના મૃત્યુના ખોટા સમાચાર ફેલાવ્યા હતા.

આ પ્રકારના તમામ સમાચાર માટેે App ડાઉનલોડ કરો.