ફરી એક જ ટ્રેક પર સામસામે આવી ગઈ 2 ટ્રેન:TMCના નેતાએ વીડિયો વાયરલ કરીને સરકારને આડે હાથ લીધી? રેલવેએ આપ્યો જવાબ- આ VIDEO ભ્રામક છે

દેશમાં 2024ના શરૂઆતના 7 મહિનામાં 7 મોટી ટ્રેન દુર્ઘટના બની છે. તેમાં 16 લોકોનાં મોત થયા છે ત્યાં જ 100 લોકો ઘાયલ થયા છે. હમણાં થોડાં દિવસ પહેલાં જ ઝારખંડના જમશેદપુરમાં 30 જુલાઈના રોજ ટ્રેન દુર્ઘટના ઘટી હતી, જ્યારે મુંબઈ-હાવડા એક્સપ્રેસ એક ડિરેલ થયેલી માલગાડી સાથે અથડાઈ. પોતાની ટ્વિટમાં રિજુએ લખ્યું-
દુર્ઘટના થતા-થતા ટળી પરંતુ મોટી દુર્ઘટના બને તેની રાહ જોવાઇ રહી છે. આ વીડિયોમાં બર્ધમાન લોકલ અને વંદે ભારત એક જ સમયે, બાવડા બર્ધમાન કોર્ડ લાઇન પર સામસામે આવી. વિઝ્યુઅલ્સ હાવડા બર્ધમાન કોર્ડ લાઇન પર સિબાઈચંડી રેલવે સ્ટેશનના છે. બંને ટ્રેનમાં લગભગ 800-1200 મુસાફરો હાજર હતા. ભારતીય રેલવે સાથે શું થઈ રહ્યું છે? કોઈ ટિપ્પણી રેલ મંત્રી અશ્ચિની વૈષ્ણવ? આ અસક્ષમ મંત્રીને બરતરફ કરીને અને રેલવેમાં વ્યાપક સુધારા કરતા પહેલાં તમારે કેટલી લાશો જોઈએ છે શ્રીમાન નરેન્દ્ર મોદી? શું આ ભારતીય રેલવેના સંપૂર્ણ ખાનગીકરણને યોગ્ય ઠેરવવાનું ષડયંત્ર છે? ભારતને જવાબ જોઈએ છે! ( આર્કાઇવ ટ્વિટ ) ટ્વિટ જુઓ: આવો જ દાવો પ્રિતેશ શાહ નામના વેરિફાઈડ એક્સ યુઝર દ્વારા પણ કરવામાં આવ્યો હતો. પોતાના ટ્વીટમાં પ્રિતેશે લખ્યું- ગઈકાલે સંસદમાં રેલવે મંત્રીએ સુરક્ષા સંબંધિત ચિંતાઓને લઈને વિપક્ષને ભીંસમાં લીધા હતા. તે જ સમયે બર્ધમાન લોકલ અને વંદે ભારત એક્સપ્રેસ એક જ ટ્રેક પર આવતાં સિબાઈચંડી રેલવે સ્ટેશન પર અકસ્માત ટળી ગયો હતો; લગભગ 800-1200 મુસાફરોનો જીવ જોખમમાં હતો. આખરે મોટી દુર્ઘટના ટળી હતી પરંતુ જોખમ હજુ પણ યથાવત છે. ( આર્કાઇવ ટ્વિટ ) ટ્વિટ જુઓ: શું છે વાયરલ વીડિયોનું સત્ય?
વાયરલ વીડિયોની હકીકત ઈસ્ટર્ન રેલવેએ જ પોતાના ઓફિશિયલ એક્સ એકાઉન્ટ દ્વારા શેર કરી છે. તેમના ટ્વિટમાં પૂર્વ રેલવેએ લખ્યું- 'આ વીડિયો ભ્રામક છે, 36071 હાવડા-ગુરાપ લોકલ ટ્રેનને ચેરાગ્રામ રેલવે સ્ટેશનની બહાર સાંજે 6.20 કલાકે રોકી લેવામાં આવી હતી. વંદે ભારત આ ટ્રેક પર બધા જ સિગ્નલ્સને ફોલો કરીને એક નિર્ધારિત સ્પીડથી આગળ વધી રહી હતી. આ સેક્શન ઓટોમેટિક સિગ્નલ્સથી સંચાલિત થાય છે. અહીં ઓટો સિગ્નલિંગ ક્ષેત્રની નક્કી થયેલી પ્રોસેસનું પાલન કરીને જ મૂવમેન્ટ થાય છે. આમાં કશું જ અસામાન્ય નથી. રેલવેની કામગીરી સંપૂર્ણપણે સલામત છે. એવું લાગે છે કે આ વીડિયો અશાંતિ ફેલાવવા અને લોકોમાં ભ્રમ પેદા કરવાના હેતુથી પોસ્ટ કરવામાં આવ્યો છે. ( આર્કાઇવ ટ્વિટ ) ટ્વિટ જુઓ: એટલે સ્પષ્ટ છે કે બે ટ્રેન બેદરકારીપૂર્વક એક જ ટ્રેક પર સામસામે આવી રહી છે અને મુસાફરોની સુરક્ષા સાથે ચેડા કરે છે તેવો દાવો તદ્દન ખોટો અને ભ્રામક છે. રેલવેના સત્તાવાર નિવેદન મુજબ, આ સમગ્ર આંદોલન નિર્ધારિત પ્રક્રિયા મુજબ કરવામાં આવ્યું હતું અને તેમાં કંઈપણ અસામાન્ય નથી. ખોટા સમાચાર સામે અમારી સાથે જોડાઓ. જો તમને કોઈપણ માહિતી અંગે કોઈ શંકા હોય તો કૃપા કરીને અમને @fakenewsexpose@dbcorp.in પર ઈમેલ કરો અને WhatsApp- 9201776050 કરો.

આ પ્રકારના તમામ સમાચાર માટેે App ડાઉનલોડ કરો.