જસદણમાં કાકાએ ભત્રીજા ને ‘તું પરામાં કેમ આવે છે’ કહીને છરી ઝીંકી દીધી

જસદણમાં આવેલ વાજસૂરપરામાં “તું પરામાં કેમ આવે છે” કહી યુવાન પર તેના સગા કાકાએ છરીથી હુમલો કરતા ગંભીર રીતે ઘવાયેલા યુવાનને સારવારમાં ખસેડાયો હતો આ બનાવ અંગે જસદણ પોલીસ મથકમાં ફરીયાદ નોંધાઈ હતી આ બનાવ અંગે જસદણમાં વેકરીયા ચોકમાં રહેતાં દીપકભાઈ ધીરૂભાઈ મેણીયા (ઉ.વ.30) એ નોંધાવેલ ફરીયાદમાં આરોપી તરીકે રમેશ ઉર્ફે ભૂતો બચુ મેણીયા (રહે. જસદણ) નું નામ આપતાં જસદણ પોલીસે ગુનો નોંધી વધુ તપાસ હાથ ધરી હતી વધુમાં ફરીયાદીએ જણાવ્યું હતું કે, તેઓ જસદણ માર્કેટિંગ યાર્ડમાં ચોકીદાર તરીકે નોકરી કરે છે ગઈકાલે બપોરના 2 વાગ્યાની આસપાસ નોકરી પૂરી કરી બાઈક લઈ ઘરે જતો હતો ત્યારે વાજસુરપરામાં બાપા સીતારામના ઓટા પાસે તેમના કાકાનો દીકરો નરેન્દ્ર ઈકકો ગાડી લઈ ઉભો હતો જેથી ત્યાં બાઈક ઉભું રાખી તેની પાસે ગયેલ અને ઈકકો ગાડીમાં તેમના ફઈનો દીકરો ભોલુ બેઠેલ હતો જેથી ખબર અંતર પૂછતો હતો તે વખતે તેમના કાકા રમેશ ઉર્ફે ભૂતો મેણીયા ત્યાં આવેલા અને કહેવા લાગેલ કે “તું પરામાં કેમ આવે છે” તેમ કહી બોલાચાલી કરવા લાગેલ અને ગાળો આપી ઉશ્કેરાય જઈ બથાબથી કરવા લાગેલ હતો તેમજ ઢીકાપાટુનો મારમારવા લાગેલ બાદમાં તેની કેડમાં રહેલ છરી કાઢી ખંભાના ભાગે છરીનો મૂઠનો ઘા ઝીંકી દિધો હતો બાદમાં લોકો આવી જતાં આરોપી ત્યાંથી નાસી છૂટ્યો હતો બાદમાં તેમને જસદણની સરકારી હોસ્પિટલમાં સારવારમાં ખસેડેલ હતો આ બનાવ અંગેની ફરીયાદ પરથી જસદણ પોલીસે હુમલો કરનાર શખ્સ સામે ગુનો નોંધી આરોપીને પકડવા ચક્રો ગતિમાન કર્યા હતા

આ પ્રકારના તમામ સમાચાર માટેે App ડાઉનલોડ કરો.