મોરબીથી મોડી રાત્રે જામનગરમાં આવતા બોલેરો પીકપ વેનમાંથી બિયરનો મસમોટા જથ્થો ઝડપાયો સીટી એ. ડિવિઝન પોલીસે ૧,૯૨૦ નંગ બિયરના ટીન અને બોલેરો સહિત ૫.૯૭ લાખની માલમતા સાથે એકને પકડ્યો: અન્ય એક ફરાર
મોરબીથી મોડી રાત્રે જામનગરમાં આવતા બોલેરો પીકપ વેનમાંથી બિયરનો મસમોટા જથ્થો ઝડપાયો
સીટી એ. ડિવિઝન પોલીસે ૧,૯૨૦ નંગ બિયરના ટીન અને બોલેરો સહિત ૫.૯૭ લાખની માલમતા સાથે એકને પકડ્યો: અન્ય એક ફરાર
સીટી એ ડિવિઝન પોલીસે ચોક્કસ બાતમીના આધારે બોલેરોમાં તપાસ કરતા બિયરનો જથ્થો મળ્યો
કોની પાસેથી બિયરનો જથ્થો લાવ્યા અને કોને આપવાનો હતો.. પોલીસે તપાસ આદરી
નવરાત્રિમાં દારૂની રેલમ છેલમ કરવા બૂટલેગરો બન્યા સક્રિય
મોરબીથી જામનગરમાં બોલેરો પીકપ વેન મારફતે ઘુસાડવામાં આવેલો બિયરનો મોટો જથ્થો સીટી એ. ડિવિઝન પોલીસે ગઈકાલે રાત્રે વોચ ગોઠવી ઝડપી લીધો હતો, અને એક બુટલેગર ની અટકાયત કરી લઈ ૧૯૨૦ નંગ બિયરના ટીન અને બોલેરો સહિત રૂપિયા ૫.૯૭ લાખની માલમતા કબજે કરી છે, જ્યારે આગળ બાઈકમાં બોલેરો ને એસ્કોર્ટ કરી રહેલા શખ્સને ફરારી જાહેર કરી તેની શોધખોળ હાથ ધરી છે.
આ દરોડા ની વિગત એવી છે કે જામનગરના સીટી એ. ડિવિઝનના પી.આઈ. એન.એ. ચાવડા અને તેઓની ટીમને ચોક્કસ બાતમી મળી હતી, કે મોરબી થી બોલેરો પીકપ વેનમાં બિયરનો મોટો જથ્થો ભરીને અડધી રાત્રે જામનગરમાં ઘુસાડવામાં આવી રહ્યો છે. જે બાતમીના આધારે સિટી એ. ડિવિઝન પોલીસે ગઈકાલે મોડી રાત્રે ઠેબા ચોકડી પાસે વોચ ગોઠવી હતી.
જે દરમિયાન સૌ પ્રથમ એક શખ્સ બાઈકમાં આવી રહ્યો હતો, અને તેની પાછળ એક બોલેરો પીકપ વેનને પોતે એસ્કોર્ટ કરી રહ્યો હતો. જે જી.જે.૩ એન.એમ. ૮૧૭૯ નંબરની બાઈકનો ચાલક પોલીસને જોઈને ભાગી છૂટ્યો હતો.
પરંતુ જીજે ૩૬ ટી ૬૦૧૮ નંબરની બોલેરો પીકપ વેનને પોલીસે આંતરી લીધી હતી. જેની તલાસી લેતાં અંદરથી ૧,૯૨૦ નંગ બિયરના ટીન મળી આવ્યા હતા. આથી પોલીસે બિયરના ટીન અને બોલેરો સહિત ફૂલ ૫,૯૭,૦૦૦ ની માલમતા કબજે કરી હતી, જ્યારે બોલેરો ના ચાલક મૂળ રાજસ્થાનના વતની મનોહરલાલ ભગવાનરામ બિશ્નોઈ ની અટકાયત કરી લીધી છે. જેની પૂછપરછ ના આધારે આગળ બાઈક લઈને ભાગી છુટેલા રાજસ્થાનના રાજુરામ બિશ્નોય ને ફરારી જાહેર કરી તેની શોધખોળ હાથ ધરી છે. જે પકડાયા બાદ બિયરનો જથ્થો જામનગરમાં ક્યાં ઉતારવાનો હતો, તેની હકીકત જાણવા મળશે તેમ મનાઈ રહ્યું છે.
8000003352
આ પ્રકારના તમામ સમાચાર માટેે
App ડાઉનલોડ કરો.