જામનગરમાં સત્યમ કોલોની વિસ્તારમાં રેલ્વે લાઈન પરથી એક અજ્ઞાત યુવાનનો કપાયેલો મૃતદેહ મળ્યો

જામનગર તા 21 જુલાઈ 2022,ગુરૂવાર જામનગરમાં સત્યમ કોલોની વિસ્તારમાં આવેલી રેલવે લાઈન પરથી આજે સવારે ૨૫ વર્ષની વયના એક અજ્ઞાન યુવાનનો મૃતદેહ કપાઈ ગયેલી હાલતમાં મળી આવ્યો છે. ટ્રેન હડફેટે ચડી જતાં તેનું મૃત્યુ નીપજ્યાનું અનુમાન કરાયું છે. પોલીસ દ્વારા તેની ઓળખ કરવા માટે તજવીજ હાથ ધરાઈ છે.આ બનાવની વિગત એવી છે કે જામનગરમાં સત્યમ કોલોની નજીકથી પસાર થઈ રહેલી રેલવે લાઇન પર કોઈ અજાણ્યા યુવાનનો મૃતદેહ પડ્યો હોવાની માહિતી મળતાં સીટી સી. ડિવિઝનનો પોલીસ કાફલો ઘટના સ્થળે દોડી ગયો હતો, અને મૃતદેહનો કબજો સંભાળી જામનગર જી.જી. હોસ્પિટલમાં પોસ્ટ મોર્ટમ કરાવ્યું છે, અને મૃતદેહને જી.જી. હોસ્પિટલના કોલ્ડ રૂમમાં રાખવામાં આવ્યો છે.મૃતકની ઉંમર અંદાજે ૨૫ થી ૩૦ વર્ષની અને ટ્રેન હેઠળ કપાઈ જતાં માથા તેમજ શરીરના અન્ય ભાગોમાં ગંભીર ઈજા થવાના કારણે મૃત્યુ નીપજ્યું હોવાનું અનુમાન લગાવીને ઓળખ કરવા માટે પોલીસ દ્વારા તજવીજ હાથ ધરાઈ છે.

આ પ્રકારના તમામ સમાચાર માટેે App ડાઉનલોડ કરો.