શ્રી આદર્શ શૈક્ષણિક સંકુલના બાળકો દ્વારા ગુરુપૂર્ણિમાની ભવ્ય ઉજવણી

તારીખ 22/07/2024 ને સોમવારના રોજ ગુરુપૂર્ણિમાના પાવન પર્વની ઉજવણીના ભાગરૂપે શ્રી આદર્શ શૈક્ષણિક સંકુલ ખાતે ધોરણ 9 થી 12 ના તમામ વિદ્યાર્થીઓએ ગુરુપૂજન કરી ધન્યતાની લાગણી અનુભવી હતી. સાથોસાથ પોતાના જીવનને ઉપકૃત કરનારા એવા તમામ ગુરુજનો પ્રત્યે આદર સહ આભાર ની ભાવનાને વ્યક્ત કરી હતી. શાળા પરિવાર દ્વારા બાળકોના હૃદયમાં ગુરુ મહાત્મ્યને પ્રજ્વલિત કરવા એક વકતૃત્વ સ્પર્ધા નું આયોજન કરવામાં આવેલ જેમાં ધોરણ 9 થી 12 ના લગભગ 40 જેટલા વિદ્યાર્થી ભાઈઓ બહેનોએ ભાગ લઈ ગુરુ પ્રત્યેની પોતાની ભાવનાને પ્રગટ કરતા ગુરુ ચરણોમાં પોતાના ભાવોને સમર્પિત કરેલ.

આ વકતૃત્વ સ્પર્ધામાં ભાગ લઈ પોતાની આગવી છટાથી પ્રાર્થના સભાને મંત્રમુગ્ધ કરનાર તમામ વિદ્યાર્થી ભાઈઓ બહેનોને શાળાના મેનેજિંગ ટ્રસ્ટી શ્રી પ્રભુભાઈ ત્રાસડીયા સાહેબ, આચાર્યશ્રી સંજયભાઈ ધાંધલ સાહેબ અને વિદ્યાર્થીઓના પથદર્શક એવા તમામ ગુરુજનો તેમજ સમગ્ર શાળા પરિવાર દ્વારા ગુરુપૂર્ણિમા નિમિત્તે હાર્દિક શુભકામનાઓ પાઠવવામાં આવે છે.

આ પ્રકારના તમામ સમાચાર માટેે App ડાઉનલોડ કરો.