મહીસાગર જિલ્લામાં દિવાળીના તહેવારમાં 108 ટીમ કોઈપણ ઈમરજન્સીને પહોંચી વળવા ખડેપગે રહેશે

સામાન્ય દિવસમાં મહીસાગર જિલ્લામાં 108 ને 60 થી 65 ઇમરજન્સી કોલ મળે છે તેની સરખામણીમાં દિવાળીના તહેવારોમાં 80 થી 85 ઇમરજન્સી કોલ મળે છે જે 28% જેટલો વધારો દિવાળીના તહેવારોમાં જોવા મળે છે.

મહીસાગર જિલ્લામાં 13 જેટલી એમ્બ્યુલન્સ કાર્યરત છે આ દિવાળીના તહેવારના ઇમર્જન્સી કેસમાં વધારાને ધ્યાનમાં લઈને તહેવારોના દિવસોમાં કોઈ પણને સમયસર સારવાર મળી રહે તે હેતુથી 108 ટીમ દ્વારા એક ઉમદા નિર્ણય લેવામાં આવ્યો છે જેમાં દિવાળીના તહેવારો દરમિયાન 108 ટિમ મહીસાગર જિલ્લા વાસીઓને સેવામાં હાજર રહેશે આ માટે 70 થી વધુ કર્મચારીઓ દિવાળી તહેવારમાં પબ્લિકની સેવા ને પ્રાધાન્ય આપશે.

મહીસાગર જિલ્લાના 108 ના કર્મચારી, પ્રોગ્રામ મેનેજરશ્રી બળદેવ રબારી તેમજ સુપરવાઇઝર દુષ્યંત પંડ્યા તહેવારો દરમિયાન ખડે પગે ફરજ બજાવશે.

આ પ્રકારના તમામ સમાચાર માટેે App ડાઉનલોડ કરો.