ટ્રમ્પે કહ્યું- …તો હું મરી ગયો હોત:એક નાની ગોળીએ મારા કાનના એક ભાગને વીંધી નાખ્યો હોત, હુમલા પછી થોડા સમયમાં પહેલું ભાષણ

અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પ તેમના પર થયેલા જીવલેણ હુમલાના બે દિવસ બાદ તેમનું પ્રથમ ભાષણ આપશે. તેઓ વિસ્કોન્સિનના મિલવૌકી શહેરમાં પહોંચી ગયા છે. અહીં તેમને રિપબ્લિકન પાર્ટીના રાષ્ટ્રપતિ પદના ઉમેદવાર જાહેર કરવામાં આવશે. આ ઉપરાંત ઉપરાષ્ટ્રપતિ પદના ઉમેદવાર કોણ હશે તે પણ સ્પષ્ટ થઈ જશે. આ પહેલા ટ્રમ્પે ન્યૂયોર્ક પોસ્ટ સાથે તેમના પર થયેલા જીવલેણ હુમલા અંગે વાત કરી હતી. કહ્યું, 'હું અહીં ન હોત, અત્યાર સુધીમાં મરી ગયો હોત. તે ખૂબ જ ભયાનક અનુભવ હતો, જેણે મારું જીવન લગભગ સમાપ્ત કરી દીધું હતું.’ તેમણે કહ્યું કે જો હું ગેરકાયદે ઇમિગ્રન્ટ્સ સંબંધિત ચાર્ટ વાંચવા તરફ ન વળ્યો હોત તો હું અહીં ન હોત. એક ઇંચ કરતાં નાની ગોળી મારા કાનના એક ભાગને વીંધીને નીકળી ગઈ હોત. પેન્સિલવેનિયાના બટલર શહેરમાં એક ચૂંટણી રેલીમાં થયેલા ગોળીબારમાં ટ્રમ્પ માંડ-માંડ બચ્યા હતા. એસોલ્ટ રાઈફલમાંથી નીકળેલી ગોળી તેના કાનને સ્પર્શતી પસાર થઈ હતી. ટ્રમ્પની સુરક્ષા માટે તૈનાત સિક્રેટ સર્વિસ સ્નાઈપર્સે તરત જ 20 વર્ષીય હુમલાખોરને ઠાર કરી નાખ્યો. તેની ઓળખ થોમસ મેથ્યુ ક્રૂક્સ તરીકે કરવામાં આવી છે. ફાયરિંગમાં એક નાગરિકનું પણ મોત થયું છે. ટ્રમ્પ પર હુમલાની તસવીર જે બની ગઈ ઈતિહાસ... બાઈડેનનું પ્રથમ સંબોધન હુમલાના 18 કલાક પછી થયું હતું
ડોનાલ્ડ ટ્રમ્પ પર હુમલાના લગભગ 18 કલાક પછી, બાઈડેને પ્રથમ વખત રાષ્ટ્રને સંબોધન કર્યું. આ સંબોધન ભારતીય સમય અનુસાર 15 જુલાઈએ મોડી રાત્રે થયું હતું. રાષ્ટ્રપતિએ કહ્યું, "મેં ટ્રમ્પ સાથે વાત કરી છે. અમેરિકામાં હિંસા માટે કોઈ સ્થાન નથી." બાઈડેને કહ્યું કે આ મામલાની તપાસ હજુ પ્રારંભિક તબક્કામાં છે. આ ઘટના પાછળના હેતુ વિશે અમારી પાસે હજુ સુધી કોઈ માહિતી નથી. તેથી, લોકોએ આ ઘટનાના ઉદ્દેશ્યને લઈને તેમની પોતાની થિયરી ન બનાવવી જોઈએ. FBI અને સિક્રેટ સર્વિસ એજન્સીઓને તેમનું કામ કરવા દો. અમારો પ્રયાસ આ હુમલા બાદ ટ્રમ્પને વધુ સુરક્ષા આપવાનો છે. આ માટે સિક્રેટ સર્વિસને સૂચના આપવામાં આવી છે. બાઈડેને કહ્યું કે મેં સીક્રેટ સર્વિસના ડાયરેક્ટરને આવતીકાલથી શરૂ થઈ રહેલા રિપબ્લિક પાર્ટીના રાષ્ટ્રીય અધિવેશન માટે સુરક્ષા વ્યવસ્થાની સંપૂર્ણ સમીક્ષા કરવા સૂચના આપી છે.

આ પ્રકારના તમામ સમાચાર માટેે App ડાઉનલોડ કરો.