સેના પ્રત્યે સન્માનઃ જવાનને પગે લાગી નાનકડી બાળકી, સોશિયલ મીડિયા પર વિડિયો જોઈ લોકો થઈ રહ્યા છે ભાવુક

નવી દિલ્હી,તા.16 જુલાઈ 2022,શનિવારસરેરાશ ભારતીયના મનમાં સેનાના જવાનો  માટે ઘણુ સન્માન હોય છે.લોકોની આ પ્રકારની લાગણીનો પડઘો પાડતો એક વિડિયો સોશિયલ મીડિયા પર જબરદસ્ત વાયરલ થઈ રહ્યો છે. વિડિયો એક રેલવે સ્ટેશનનો હોય તેવુ લાગે છે. જેમાં એક નાનકડી બાળકી ટ્રેનની વેઈટ કરી રહેલા સુરક્ષા જવાનને જોઈને મળવા માટે દોડી જાય છે અને એ પછી જવાનને પગે લાગે છે. આ જોઈને જવાન પણ તેના માથા પર હાથ ફેરવીને આશીર્વાદ આપે છે.બાળકીનો વિડિયો સોશિયલ મીડિયા પર લોકોના દિલ જીતી રહ્યો છે. વિડિયો શેર કરનાર યુઝરે સાથે સાથે કેપ્શનમાં લખ્યુ છે કે, નાનકડી દીકરીના સંસ્કાર તેની ઉંમર કરતા વધારે મોટા છે..જય હિંદ અને જય ભારત.આ વિડિયો લોકો જોઈને ભાવુક પણ થઈ રહ્યા છે. હજારો લોકો તેને શેર કરી રહ્યા. જેમાં કેન્દ્રીય મંત્રી સ્મૃતિ ઈરાનીનો પણ સમાવેશ થાય છે. તેમણે લખ્યુ છે કે, આ દીકરીને મારા આશીર્વાદ અને તેને ઉત્તમ સંસ્કાર આપનારા પરિવારનો આભાર...

આ પ્રકારના તમામ સમાચાર માટેે App ડાઉનલોડ કરો.