સંસદના શિયાળુ સત્રનો આજે બીજો દિવસ:લોકસભામાં અદાણી મુદ્દે હોબાળો, 12 વાગ્યા સુધી કાર્યવાહી સ્થગિત

સંસદના શિયાળુ સત્રનો આજે બીજો દિવસ છે. લોકસભામાં સવારે 11 વાગ્યે કાર્યવાહી શરૂ થતાં જ વિપક્ષે અદાણી મુદ્દે હોબાળો મચાવ્યો હતો. લોકસભા અધ્યક્ષે ગૃહને બપોરે 12 વાગ્યા સુધી સ્થગિત કરી દીધું હતું. સોમવારે સત્રના પહેલા દિવસે ઉપાધ્યક્ષ જગદીપ ધનખડ અને કોંગ્રેસ અધ્યક્ષ મલ્લિકાર્જુન ખડગે વચ્ચે ઉગ્ર બોલાચાલી થઈ હતી. ખરેખરમાં ધનખરે ખડગેને કહ્યું હતું કે આપણું બંધારણ 75 વર્ષ પૂર્ણ કરી રહ્યું છે. આશા છે કે તમે તેની મર્યાદામાં રહેશો. આ બાબતે ખડગેએ જવાબ આપ્યો કે આ 75 વર્ષમાં મારું યોગદાન પણ 54 વર્ષ છે, તો તમે મને ન શીખવો. આના પર ધનખડે કહ્યું- હું તમારું ખૂબ સન્માન કરું છું અને તમે આ કહી રહ્યા છો. મને દુઃખ થયું છે. આ પછી રાજ્યસભાની કાર્યવાહી 27 નવેમ્બર સુધી સ્થગિત કરી દેવામાં આવી હતી. બીજી તરફ લોકસભાની કાર્યવાહી પણ પૂર્ણ થઈ શકી ન હતી. અદાણી મુદ્દે વિપક્ષી નેતાઓએ હોબાળો મચાવ્યો હતો. ગૃહની કાર્યવાહી 27 નવેમ્બર સુધી સ્થગિત કરવામાં આવી હતી.

આ પ્રકારના તમામ સમાચાર માટેે App ડાઉનલોડ કરો.