દોતોર વિદ્યામંદિર હિરવાણી ખાતે દોતોર આંજણા ચૌધરી સમાજ દ્વારા મહાસંમેલન યોજાઈ ગયું
શ્રી દોતોર યુવક મંડળ હિરવાણી અને દોતોર આંજણા ચૌધરી સમાજ આયોજિત માં દીકરી જાગૃતિ મહાસંમેલન રવિવારના રોજ શ્રી દોતોર વિદ્યામંદિર ખાતે યોજાયું હતું. આ કાર્યક્રમમાં ડો.અંકિતા મુલાણી મુખ્ય વક્તા હતા સમાજમાંથી અંદાજીત ૨૦૦૦ થી પણ વધારે માતાઓ અને દીકરીઓ આ કાર્યક્રમમાં ઉપસ્થિત રહ્યા હતા. કાર્યક્રમમાં અંકિતાબેને આજની દીકરીઓના પ્રશ્નો વિશે ખૂબ જ હૃદયને સ્પર્શી જાય તેવી ચર્ચા કરી હતી અને સ્ત્રીનો અવતાર દીકરી,બહેન,પત્ની અને માતા તરીકે તેમની ફરજો અને સમાજમાં તેમનું સ્થાન વિશે ખૂબ જ ઊંડાણપૂર્વક ભૂતકાળમાં બનેલી ઘટનાઓ આધારિત ચર્ચા કરી હતી. જ્યારે સભા મંડપમાં ખૂબ જ લાગણી સભર વાતાવરણ પેદા થયું હતું અને દરેક માતાના આંખમાં આંસુ હતા. કાર્યક્રમમાં ખેરાલુ ધારાસભ્ય સરદારભાઈ ચૌધરી, પારૂલબેન ચૌધરી, ફૂલીબેન ચૌધરી, પ્રવિણાબેન ચૌધરી, દોતોર યુવક મંડળના પ્રમુખ સવજીભાઈ ચૌધરી તથા મંત્રી દિનેશભાઈ ચૌધરી સહિત તમામ કારોબારી સભ્યો અને સમાજના આગેવાનો પણ ઉપસ્થિત રહ્યા હતા અને સૌ સાથે મળીને ભોજન લઈને છૂટાં પડ્યાં હતાં.
7016731491
આ પ્રકારના તમામ સમાચાર માટેે
App ડાઉનલોડ કરો.