યે પુષ્પા હમારી ટીમ કો હલ્કે મેં લે રહા થા! : ફોરેસ્ટ અધિકારીની ટ્વીટ વાયરલ

પશ્વિમ બંગાળના ફોરેસ્ટ વિભાગે સાગના લાકડાની હેરાફેરી કરતાં એક સ્મગલરની ધરપકડ કરી હતી. ફોરેસ્ટ અધિકારીએ એ અંગેની જાણકારી આપતી જે ટ્વીટ કરી હતી, એ વાયરલ થઈ હતી.'પુષ્પા ઃધ રાઈઝ' ફિલ્મ દેશભરમાં સુપરહિટ રહી હતી. એ ફિલ્મના ડાયલોગ અને તેની સ્ટાઈલ લોકોને પસંદ આવી હતી. હજુય પુષ્પાના મીમ્સ બને છે. આ ફિલ્મમાં ચંદનના લાકડાની તસ્કરી કરતાં એક સ્મગલરની વાત છે. પશ્વિમ બંગાળના ફોરેસ્ટ અધિકારીએ સાગના લાકડાની તસ્કરી કરતાં એક સ્મલગરને પકડયો પછી એની જાણકારી આપતી ટ્વીટમાં પુષ્પા ફિલ્મનો ઉલ્લેખ કર્યો એ ટ્વીટ વાયરલ થઈ હતી. પરવીન કાસવાન નામના ઈન્ડિયન ફોરેસ્ટ સર્વિસ અધિકારીએ ટ્વીટરમાં લખ્યું હતુંઃ  બાતમીના આધારે સમયસર  રાતે ૩.૩૦ વાગે એક મહત્વની કાર્યવાહી થઈ હતી. કલ્પના કરો, એક સ્લીપર વોલ્વોમાં પેસેન્જર્સને બદલે સાગના લાકડા લઈ જવામાં આવતા હતા. વોલ્વો બસનો ઉપયોગ સાગના લાકડાની તસ્કરી માટે થતો હતો. આ પુષ્પા અમારી ટીમને ઓછી આંકતો હતો. પરંતુ હવે અમારી પાસે વોલ્વો બસ છે.અધિકારીએ કયા જિલ્લામાંથી આરોપીને પકડયો તે બાબતે જાણકારી આપી ન હતી. કાર્યવાહી પશ્વિમ બંગાળના જંગલમાં થઈ હતી. ફોરેસ્ટ અધિકારીની આ ટ્વીટ વાયરલ થઈ હતી. અસંખ્ય લોકોએ ટ્વીટ શેર કરી હતી. સંખ્યાબંધ યુઝર્સે એમાં કમેન્ટ કરી હતી અને પુષ્પાના મીમ્સ બન્યા હતા. લોકોએ લખ્યું હતું કે લો હવે ફાઈનલી પુષ્પા પકડાઈ ગયો.

આ પ્રકારના તમામ સમાચાર માટેે App ડાઉનલોડ કરો.