સુપ્રીમ કોર્ટે હેમંત સોરેનની જામીન અરજી ફગાવી:કેજરીવાલને ટાંકીને ઝારખંડના પૂર્વ મુખ્યમંત્રીએ ચૂંટણી પ્રચાર માટે મંજુરી માંગી હતી

સુપ્રીમ કોર્ટે ઝારખંડના પૂર્વ સીએમ હેમંત સોરેનની જામીન અરજી ફગાવી દીધી છે. હેમંત સોરેને ચૂંટણી પ્રચાર માટે કોર્ટ પાસે મંજુરી માંગી હતી. આ માટે તેમણે કોર્ટમાં અરજી કરી હતી. તેમણે પોતાની અરજીમાં દિલ્હીના સીએમ અરવિંદ કેજરીવાલનો ઉલ્લેખ કર્યો હતો. કોર્ટે કહ્યું કે અરજદારે એ વાતનો ખુલાસો કર્યો નથી કે ટ્રાયલ કોર્ટે કેસમાં ચાર્જશીટ પર કાર્યવાહી શરૂ કરી છે. આ મામલે હેમંત સોરેનનો પક્ષ રજુ કરતા સીનિયર વકીલ કપિલ સિબ્બલે કહ્યું કે તેઓ જામીનની માંગણી કરતી અરજી પાછી ખેંચે છે. આ પહેલા મંગળવારે થયેલી સુનાવણી દરમિયાન હેમંતના વકીલ કપિલ સિબ્બલે દિલ્હીના સીએમ અરવિંદ કેજરીવાલની જેમ જામીનની વિનંતી કરી હતી. EDએ આનો વિરોધ કર્યો અને કહ્યું કે સોરેનને જામીન આપવાથી તપાસને અસર થઈ શકે છે. 20 મેના રોજ EDએ કોર્ટમાં આ દલીલો કરી હતી હેમંત સોરેન વતી કપિલ સિબ્બલે કોર્ટમાં આ દલીલો આપી હતી આ સિવિલ મામલો છે, ઇડી તપાસ કરી શકે નહીં - સિબ્બલ ફરિયાદી બૈજનાથ મુંડા અને શ્યામલાલ પાહનનું નામ લેતા સિબ્બલે કહ્યું કે તેઓ જમીનના માલિક હોવાનો દાવો કરે છે. તેમણે કહ્યું કે આ વેરાન જમીન છે. તેથી મુંડા અને પહનના દાવા વિવાદિત છે. મામલો બેનામી લાગે છે. તેમણે કહ્યું કે આ સિવિલ મામલો છે અને તેથી ED તપાસ કરી શકે નહીં. જમીન કૌભાંડ કેસમાં હેમંત સોરેનની ધરપકડ
રાંચી જિલ્લાના બડગાઈ વિસ્તારમાં લગભગ સાડા આઠ એકર જમીનની ગેરકાયદેસર ખરીદી અને વેચાણના મામલામાં EDએ ઝારખંડના પૂર્વ સીએમ હેમંત સોરેન વિરુદ્ધ કાર્યવાહી કરી છે. EDએ આ કેસમાં પૂછપરછ માટે મુખ્યમંત્રીને 11 સમન્સ મોકલ્યા હતા. તેમાંથી તેમણે માત્ર બે સમન્સમાં EDના સવાલોના જવાબ આપ્યા હતા. ઈડીના અધિકારીઓ 31મી જાન્યુઆરીએ તેમના નિવાસસ્થાને 11માં સમન્સનો જવાબ મેળવવા પહોંચ્યા હતા. અહીં પૂછપરછ બાદ તેમની ધરપકડ કરવામાં આવી હતી.

આ પ્રકારના તમામ સમાચાર માટેે App ડાઉનલોડ કરો.