જામનગરના જિલ્લા પોલીસવડાએ જિલ્લાના પોલીસ તંત્રમાં ફરીથી ગંજીપો ચીપ્યો

- સમગ્ર જિલ્લામાં એકીસાથે 329 પોલીસ કર્મચારીઓની અરસપરસ ફેર બદલી કરાઈજામનગર, તા. 18 ઓગષ્ટ 2022, ગુરૂવારજામનગર જિલ્લાના પોલીસ તંત્રમાં છેલ્લા કેટલાક સમયથી ફેર બદલીઓનો દોર ચાલી રહ્યો છે, ત્યારે જામનગરના જિલ્લા પોલીસવડા દ્વારા ફરીથી ગંજીપો ચીપવામાં આવ્યો છે, અને ગઈકાલે મોડી સાંજે એકીસાથે ૩૨૯ પોલીસ કર્મચારીઓની આંતરિક ફેર બદલીઓ કરવામાં આવી છે. જામનગરના જિલ્લાના પોલીસબેડામાં ફરજ બજાવતા પોલીસ કર્મચારીઓ, કે જેઓ ત્રણ વર્ષ ના વધુ સમયગાળાથી એક જ સ્થળ પર જ ફરજ બજાવી રહ્યા છે, તેવા પોલીસ કર્મચારીઓના નામોની યાદી તૈયાર કર્યા પછી ગઈકાલે બદલીઓનો ગંજીપો ચીપ્યો હતો. જામનગર શહેરના ત્રણેય પોલીસ સ્ટેશન, ઉપરાંત ગ્રામ્ય વિસ્તારના પંચકોષી એ. અને પંચકોષી બી. ડિવિઝન, ઉપરાંત ધ્રોળ, જોડિયા, કાલાવડ,લાલપુર, જામજોધપુર, શેઠ વડાળા, સિક્કા, મેઘપર સહિતના જિલ્લાના તમામ પોલીસ સ્ટેશનમાં ફરજ બજાવતા ૩૨૯ જેટલા એ.એસ.આઈ., પોલીસ હેડ કોન્સ્ટેબલ, અને પોલીસ કોન્સ્ટેબલ વગેરેની સામુહીક ફેર બદલી ના ઓર્ડર કાઢ્યા છે. જેને લઈને પોલીસબેડામાં ભારે હલચલ મચી ગઈ છે.

આ પ્રકારના તમામ સમાચાર માટેે App ડાઉનલોડ કરો.