જમ્મુમાં સેનાના વાહન પર આતંકવાદી હુમલો:કઠુઆમાં સર્ચ દરમિયાન આતંકીઓએ ગોળીઓ વરસાવી; બે જવાન ઘાયલ, બે દિવસમાં બીજો હુમલો

જમ્મુ-કાશ્મીરના કઠુઆ જિલ્લાના બિલવરમાં સોમવારે આતંકીઓએ સેનાના વાહન પર હુમલો કર્યો હતો. આ ઘટના લોહી મલ્હાર બ્લોકના માચેરી વિસ્તારના બદનોટા ગામમાં બની હતી. અત્યાર સુધી પ્રાપ્ત માહિતી અનુસાર, સેનાએ જવાબી કાર્યવાહી કરી, ત્યારબાદ મછેડી વિસ્તારમાં આતંકવાદીઓ અને સુરક્ષા દળો વચ્ચે ફાયરિંગ શરૂ થઈ. પોલીસ અને સુરક્ષા દળોની સંયુક્ત ટીમ મછેડી વિસ્તારમાં સર્ચ કરી રહી હતી. સર્ચ દરમિયાન આતંકીઓએ તેમના પર ફાયરિંગ કર્યું હતું. વિસ્તારમાં વધુ સુરક્ષા દળો મોકલવામાં આવ્યા છે. બે મહિનામાં સેનાના વાહન પર આ બીજો આતંકવાદી હુમલો છે. જ્યારે બે દિવસમાં સેના પર આ બીજો હુમલો છે. ગઈ કાલે રવિવારે સૈન્ય ચોકી પર હુમલો થયો હતો. આ પહેલા 4 મેના રોજ પૂંછના શાહસિતાર વિસ્તારમાં એરફોર્સના કાફલા પર હુમલો કરવામાં આવ્યો હતો, જેમાં એક જવાન શહીદ થયા હતા અને 4 અન્ય જવાનો ઘાયલ થયા હતા. આતંકવાદીઓએ સુરક્ષાદળોના બે વાહનો પર ગોળીબાર કર્યો હતો. આમાંનું એક વાહન એરફોર્સનું હતું. બંને વાહનો સનાઈ ટોપ તરફ જઈ રહ્યા હતા. આતંકવાદીઓની ગોળીઓ વાહનના આગળના અને બાજુના કાચને પાર કરી ગઈ હતી. રવિવારે સૈન્ય ચોકી પર હુમલો થયો હતો
રવિવારે રાજૌરી જિલ્લાના એક ગામમાં આતંકવાદીઓએ સુરક્ષા ચોકી પર ગોળીબાર કર્યો હતો. જેમાં સેનાનો એક જવાન ઘાયલ થયો હતો. અધિકારીઓએ જણાવ્યું કે આતંકવાદીઓએ સવારે લગભગ 4 વાગ્યે મંજકોટ વિસ્તારના ગલુથી ગામમાં આર્મી પોસ્ટ પર ગોળીબાર કર્યો, જેના પછી જવાનોએ જવાબી કાર્યવાહી કરી. તેમણે જણાવ્યું કે આતંકીઓ અને જવાનો વચ્ચે લગભગ અડધા કલાક સુધી ગોળીબાર થયો, જેમાં સેનાનો એક જવાન ઘાયલ થયો. પરંતુ, આતંકવાદીઓ નજીકના જંગલમાં ભાગી ગયા હતા. આતંકવાદીઓને શોધવા માટે મોટા પાયે સર્ચ ઓપરેશન ચલાવવામાં આવી રહ્યું છે. અગાઉ સેનાના વાહનો પર હુમલા... 1. આ વર્ષે જાન્યુઆરીમાં પણ પૂંછમાં હુમલો થયો
આ વર્ષે 12 જાન્યુઆરીએ જમ્મુ-કાશ્મીરના પૂંછમાં આતંકવાદીઓએ સેનાના વાહન પર હુમલો કર્યો હતો. આ પછી જવાનોએ જવાબી કાર્યવાહી કરવી પડી. કોઈના ઘાયલ કે માર્યા ગયાના સમાચાર નથી. 2. ગયા વર્ષે ડિસેમ્બરમાં પણ સુરનકોટમાં હુમલો થયો હતો
21 ડિસેમ્બરે સુરનકોટમાં આતંકીઓએ સેનાના કાફલા પર હુમલો કર્યો હતો. જેમાં 5 જવાન શહીદ થયા હતા. આ ઘટનાને 4 આતંકીઓએ અંજામ આપ્યો હતો. આતંકવાદીઓએ અમેરિકન એમ-4 કાર્બાઈન એસોલ્ટ રાઈફલમાંથી ગોળીઓ ચલાવી હતી. આ સ્ટીલ બુલેટ સૈન્યના વાહનોની જાડી લોખંડની લેયર પાર કરીને જવાનોને વાગી હતી. પીપલ્સ એન્ટી ફાસિસ્ટ ફ્રન્ટ (PAFF)એ હુમલાની જવાબદારી લીધી હતી. આતંકવાદીઓએ સોશિયલ મીડિયા પર હુમલાના સ્થળની તસવીરો પણ જારી કરી હતી, જેમાં તેમણે એમ-4 રાઈફલ્સનો ઉપયોગ કરવાનો દાવો કર્યો હતો. 6 અને 7 જુલાઈના રોજ કુલગામમાં સુરક્ષાદળો અને આતંકવાદીઓ વચ્ચે ગોળીબાર થયો
જમ્મુ અને કાશ્મીરના કુલગામમાં 6 અને 7 જુલાઈના રોજ મુદ્રાગામ અને ચિન્નીગામ ફ્રિસલમાં સુરક્ષા દળો અને આતંકવાદીઓ વચ્ચે ગોળીબાર થયો હતો. અથડામણમાં સુરક્ષા દળોએ છ આતંકવાદીઓને ઠાર કર્યા હતા. બે જવાનો પણ શહીદ થયા હતા. અધિકારીઓના જણાવ્યા અનુસાર માર્યા ગયેલા આતંકવાદીઓ હિઝબુલ મુજાહિદ્દીન સાથે સંકળાયેલા હતા. તેમાંથી એક પાકિસ્તાન સાથે જોડાયેલા આતંકવાદી સંગઠનનો સ્થાનિક કમાન્ડર હતો. આતંકવાદીઓએ રવિવારે સવારે રાજૌરી જિલ્લાના માંજાકોટ વિસ્તારમાં આર્મી કેમ્પ પર હુમલો કર્યો હતો. જેમાં એક જવાન ઘાયલ થયો હતો. જવાનોએ જવાબી કાર્યવાહી કર્યા બાદ આતંકીઓ ગાઢ જંગલમાંથી ભાગી ગયા હતા. સેના અને પોલીસે સર્ચ ઓપરેશન શરૂ કરી દીધું છે.

આ પ્રકારના તમામ સમાચાર માટેે App ડાઉનલોડ કરો.