વગડીયામાં જુગાર રમતા દસ શખ્સો રૂા. 1.30 લાખ સાથે ઝડપાયા
- મુળી પંથકમાં શ્રાવણિયો જુગાર પુરબહારમાં- રોકડ, મોબાઈલ સહિત કુલ રૂા. 1,71,200 નો મુદ્દામાલ કબજે કરાયો સુરેન્દ્રનગર : મુળી તાલુકાના વગડીયા ગામે પોલીસે દરોડો પાડી જાહેરમાં તીનપતીનો જુગાર રમતા દસ જુગારીઓને રૂા.૧,૩૦,૨૦૦ની રોકડ સાથે ઝડપી લઈ ગુનો દાખલ કર્યો હતો.સુરેન્દ્રનગર જિલ્લામાં શ્રાવણીયા જુગારની મૌસમ પુરબહારમાં ખીલી છે. વાડી વિસ્તારો, રહેણાંક મકાનો, નિર્જન જગ્યાઓમાં મોટાપાયે જુગાર રમાઈ રહ્યો છે. મુળી પોલીસે બાતમીના આધારે વગડીયા ગામે નવધણભાઈ હીરાભાઈ બાંટીયાના ઘર પાસે ખુલ્લા પ્લોટમાં દરોડો પાડયો હતો. ત્યારે ગંજીપાનાનો જુગાર રમતા દસ જુગારી રૂા.૧,૩૦,૨૦૦ની રોકડ સાથે ઝડપાઈ ગયા હતા. ઝડપાયેલ શખ્સોમાં વગડીયાનો ફારૂક આદમભાઈ, કિશન વિનુભાઈ મારણીયા, ખાખરાળાનો જયંતિ શાર્દુલભાઈ સાંતોલા, ખોડાભાઈ મનસુખભાઈ ઈંદરીયા અને મનસુખભાઈ કમાભાઈ નંદેસરીયા, કંસારાનો વિજય ચતુરભાઈ ગળધારીયા અને વનરાજ ધનાભાઈ મારૂણીયા, પલાસાનો વાઘજી ભાથાભાઈ બાંટીયા, થાનગઢનો સુખાભાઈ વિરજીભાઈ બાંટીયા અને નવાગામનો ચંદ્રસિંહ ઘનશ્યામસિંહ રાણાનો સમાવેશ થાય છે. પોલીસે બનાવના સ્થળેથી રોકડ, મોબાઈલ સહિત કુલ રૂા.૧,૭૧,૨૦૦નો મુદ્દામાલ કબજે કરીને કાયદેસર કાર્યવાહી કરી હતી.
આ પ્રકારના તમામ સમાચાર માટેે
App ડાઉનલોડ કરો.