જૂની અદાવતનો ખાર રાખી યુવક પર પિતા-પુત્રનો હુમલો
ન્યુ સાગર સોસાયટીમાં રહેતાં યુવકને જૂની અદાવતનો ખાર રાખી કોઠારીયા ચોકડી નજીક આંતરી પિતા-પુત્રએ હુમલો કરતાં ભક્તિનગર પોલીસ મથકે ફરીયાદ નોંધાઈ હતી. બનાવ અંગે ન્યુ સાગર સોસાયટીમાં રહેતો પૃથ્વી જેઠસુરભાઈ હુંબલ (ઉ.વ.25) એ નોંધાવેલ ફરિયાદમાં જણાવ્યું હતું કે, તેઓ ઘર બેઠા જ સોપારી કટીંગનુ કામ કરે છે.
ગઈકાલે બપોરના બારેક વાગ્યાની આસપાસ તેઓ કોઠારીયા ચોકડી ખાતે મિત્ર વિરૂ ઠાકુરને મળવા માટે જતો હતો તે દરમ્યાન ત્યા છકડો રીક્ષા લઈને ઉભેલા પ્રભાત જળુ અને તેનો પુત્ર વિશ્વજીત જળુ નિકળેલ અને બન્ને રોડ ઉપર આડા ફરી તેઓને સાઇડમા લઈ જઈ તેઓએ મારા મોટાભાઈ ધ્રુવ પર કેસ કરેલ તે જુની વાતને લઇ ગાળાગાળી કરવા લાગેલ અને ઉશ્કેરાય જઈ ગડદા પાટુનો મૂંઢ માર મારવા લાગેલ અને બાદ કહેલ કે,
તુ અમારા ઘરે આવ તારૂ કામ છે તેમ કહેતા હુ તેમની સાથે રિક્ષામા બેસી તેઓની ઘરે તિરૂપતી સોસાયટી શેરી નં-9 કોઠારીયા રોડ પર ગયેલ બંનેએ જણાવેલ કે, તને અને તારા ભાઇને બંનેને હવા છે, બંને ભાઈઓને જાનથી મારી જ નાખવા છે તેમ કહિ ફરીવાર પિતા-પુત્રએ ગડદા પાટુનો મુંઢ માર મારેલ હતો.બનાવ અંગેની ફરિયાદ પરથી ભક્તિનગર પોલીસે ગુનો નોંધી આરોપી પિતા-પુત્રની શોધખોળ હાથ ધરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.