મોતીપુરા પાસે ટ્રકની ટક્કર વાગતા એક્ટિવા સવાર મહિલા પટકાઈ,ટ્રક નુ ટાયર ફરી વળતાં મોત થયું

(રિપોર્ટર સદ્દામ મનસુરી )
હિંમતનગર શહેરના મોતીપુરા વિસ્તારમા રવિવારે સાંજે ચાર વાગ્યાના સમયે અકસ્માતની ઘટના બની હતી. એસટી ડેપો સામેના વણઝારા વાસમાં રહેતો યુવક એક્ટિવા પર તેની માતા  અને પુત્રને લઈ સાસરીમાંથી પરત ફરી રહ્યો હતો. તે દરમિયાન મોતીપુરા પાસે એક ટ્રકના ચાલકે પાછળથી એક્ટિવાને જોરદાર ટક્કર મારી હતી. જેને લઇ એકટીવા પર સવાર ત્રણે લોકો રોડ પર જોરથી પટકાયા હતા. જેમાં મહિલા પર ટ્રકનું ટાયર ફરી વળતા ઘટના સ્થળે જ તેમનું મોત નિપજ્યું હતું.
હિમતનગર બસ સ્ટેશન સામેના વણઝારા વાસમાં રહેતા હિરેનભાઈ રમેશભાઈ મકવાણા તેમનો દીકરો અને માતા કૈલાસબેન ત્રણે જણા એકટીવા નંબર.જીજે. 09.સીટી.0133 લઈ તેમની સાસરીમા ખબર અંતર પૂછી ત્યાંથી  હડિયોલ ફોઈના ઘરેથી સાંજે ચાર વાગ્યાના સમયે ઘરે આવવા નીકળ્યા હતા તે દરમ્યાન મોતીપુરા પાસે પુરપાટ ઝડપે આવતા ટ્રક નંબર આરજે.14.જીપી.3940 ના ચાલકે એકટીવાને ટક્કર મારી હતી જેથી એક્ટિવા પર સવાર ત્રણે જના રોડ પર પટકાયા હતા. છોકરાને પગના ભાગે ઇજાઓ પહોંચી હતી ત્યારે કૈલાસબેન પર ટ્રકનું ટાયર ફરી વળતાં મોત નિપજ્યું હતું.

આ પ્રકારના તમામ સમાચાર માટેે App ડાઉનલોડ કરો.