સુપ્રીમ કોર્ટની યુટ્યુબ ચેનલ હેક:કેસની સુનાવણીના લાઈવ સ્ટ્રીમની જગ્યાએ ક્રિપ્ટોકરન્સીની જાહેરાત દેખાઈ

ભારતની સુપ્રીમ કોર્ટની સત્તાવાર યુટ્યુબ ચેનલ શુક્રવારે હેક કરવામાં આવી હતી. ચેનલ પર ક્રિપ્ટોકરન્સી XRPની જાહેરાતનો વીડિયો બતાવવામાં આવી રહ્યો હતો. XRP ક્રિપ્ટોકરન્સી યુએસ સ્થિત કંપની રિપલ લેબ્સ દ્વારા ડેવલપ કરવામાં આવી છે. સર્વોચ્ચ અદાલત બંધારણીય બેન્ચ અને જાહેર હિતના મુદ્દાઓ સમક્ષ સૂચિબદ્ધ કેસોની સુનાવણીને લાઇવ સ્ટ્રીમ કરવા માટે YouTube ચેનલનો ઉપયોગ કરે છે. સુપ્રીમ કોર્ટની યુટ્યુબ ચેનલ હેક થયા બાદ ચેનલને બંધ કરી દેવામાં આવી સુપ્રીમ કોર્ટની યુટ્યુબ ચેનલ હેક થયા બાદ સુપ્રીમ કોર્ટે એક નોટિસ જારી કરી છે, જેમાં કહ્યું છે કે, તમામ સંબંધિતોને જાણ કરવામાં આવે છે કે, સુપ્રીમ કોર્ટની યુટ્યુબ ચેનલ બંધ કરી દેવામાં આવી છે. સુપ્રીમ કોર્ટની યુટ્યુબ ચેનલ પરની સેવાઓ ટૂંક સમયમાં ફરી શરૂ કરવામાં આવશે, તાજેતરમાં, કોલકાતાની આરજી કાર મેડિકલ કોલેજ અને હોસ્પિટલમાં એક મહિલા તાલીમાર્થી ડૉક્ટર પર બળાત્કાર અને હત્યા કેસની સુનાવણી સુપ્રીમ કોર્ટની યુટ્યુબ ચેનલ પર લાઇવ સ્ટ્રીમ કરવામાં આવી હતી. સુપ્રીમ કોર્ટની યુટ્યુબ ચેનલ પર અપલોડ કરવામાં આવેલ સુનાવણીના વીડિયો હેકર્સ દ્વારા પ્રાઈવેટ કરવામાં આવ્યા હતા અને 'બ્રાડ ગાર્લિંગહાઉસઃ રિપલ રિસ્પોન્ડ્સ ટુ ધ એસઈસીના $2 બિલિયન ફાઈન! 'XRP પ્રાઇસ પ્રિડિક્શન' નામનો વીડિયો હાલમાં હેક થયેલી ચેનલ પર લાઇવ થઈ રહ્યો છે. સુપ્રીમ કોર્ટના એક વરિષ્ઠ અધિકારીએ કહ્યું કે અમને ખરેખર શું થયું છે તેની ખબર નથી. પરંતુ એવું લાગે છે કે વેબસાઇટ સાથે છેડછાડ કરવામાં આવી છે. તેમણે કહ્યું કે શુક્રવારે સવારે સુપ્રીમ કોર્ટની સત્તાવાર યુટ્યુબ ચેનલ પર સમસ્યા પ્રકાશમાં આવી હતી અને સુપ્રીમ કોર્ટની IT ટીમે તેને યોગ્ય કરવા માટે NIC (નેશનલ ઇન્ફોર્મેટિક્સ સેન્ટર) પાસેથી મદદ માગી છે.

આ પ્રકારના તમામ સમાચાર માટેે App ડાઉનલોડ કરો.