સુનિતા વિલિયમ્સ જલદી પૃથ્વી પર પરત ફરશે:NASA-બોઇંગના એન્જિનિયરોએ સ્ટારલાઇનરનું ગ્રાઉન્ડ હોટ ફાયર ટેસ્ટિંગ કર્યું, બે અવકાશયાત્રીઓ 6 જૂનથી ફસાયેલા છે
અવકાશયાત્રી સુનિતા વિલિયમ્સ ટૂંક સમયમાં સ્પેસ સ્ટેશનથી પૃથ્વી પર પરત આવી શકે છે. અવકાશયાત્રી બૂચ વિલ્મોર પણ સ્પેસ સ્ટેશનમાં તેમની સાથે છે. તે પણ તેમની સાથે પૃથ્વી પર પાછા ફરશે. આ બંને અવકાશયાત્રીઓ 6 જૂનથી ઇન્ટરનેશનલ સ્પેસ સ્ટેશન (ISS)માં ફસાયેલા છે. આ બંને અવકાશયાત્રીઓ અમેરિકન સ્પેસ એજન્સી નાસાના કોમર્શિયલ ક્રૂ પ્રોગ્રામ હેઠળ બોઈંગ સ્ટારલાઈનરમાં અવકાશમાં ગયા હતા. આ મિશનને બોઇંગ ક્રૂ ફ્લાઇટ ટેસ્ટ નામ આપવામાં આવ્યું હતું. અવકાશમાં પહોંચ્યા પછી આ મિશનમાં તકનીકી ખામીઓ આવી અને અવકાશયાત્રીઓ ત્યાંજ ફસાઈ ગયા હતા. નાસા આ સંદર્ભમાં મહત્વની જાહેરાત કરવા જઈ રહ્યું છે. તેમના પરત ફરવાનો કોઈ રસ્તો દેખાતો નહોતો. આખી દુનિયાના અવકાશ વૈજ્ઞાનિકો ચિંતિત થઈ ગયા હતા. તેમને બીજો કોઈ રસ્તો વિચારી શકતા ન હતા. આ પછી બોઇંગ અને નાસાના એન્જિનિયરોએ સ્ટારલાઇનરનું ગ્રાઉન્ડ હોટ ફાયર ટેસ્ટિંગ કર્યું. તેના માટે ન્યૂ મેક્સિકોના સફેદ રેતીના વિસ્તારને પસંદ કરવામાં આવ્યો. પ્લાન બનાવાયો
આ પરીક્ષણ દ્વારા વૈજ્ઞાનિકો અવકાશની પરિસ્થિતિઓને વાસ્તવિક રીતે સમજવામાં સફળ થયા. આનાથી સ્પેસ સ્ટેશન પર પહોંચ્યા પછી અવકાશયાન સાથે શું થયું હશે તે સમજવામાં મદદ મળી. આ રીતે સમગ્ર પરિસ્થિતિને સમજવા માટે ઘણા પરીક્ષણો કરવામાં આવ્યા હતા. આ પછી જ બંને અવકાશયાત્રીઓને પૃથ્વી પર લાવવાનું સંપૂર્ણ પ્લાનિંગ કરવામાં આવ્યું છે. સ્પેસ સ્ટેશન પર પહોંચ્યા પછી વિલિયમ્સ અને વિલ્મોર ત્યાંના વર્તમાન ક્રૂ સાથે જોડાયેલા છે. ત્યાં હાજર ક્રૂ વૈજ્ઞાનિક સંશોધન તેમજ જાળવણી કાર્યમાં રોકાયેલા છે. બંને અવકાશયાત્રીઓને પૃથ્વી પર પાછા લાવવા એ એક મોટો વૈજ્ઞાનિક પડકાર છે. આના પરથી ભવિષ્યમાં ISS પર મોકલવામાં આવેલા મિશન વિશે ઘણું શીખી શકાય છે. આનાથી પૃથ્વીની નીચલી ભ્રમણકક્ષામાં પ્રવેશને સરળ બનાવવાના નાસાના પ્રયાસો મજબૂત બનશે. આ પ્રયાસમાં નાસા અમેરિકન ખાનગી ક્ષેત્રનો સહયોગ લઈ રહ્યું છે. નાસાએ ત્રણ વખત CID રિટર્ન રિશિડ્યુલ કર્યા
સુનિતા વિલિયમ્સ અને બૂચ વિલ્મોરને લઈને બોઈંગની સ્ટારલાઈનર કેપ્સ્યુલ 5 જૂને પૃથ્વી પરથી ઊપડ્યું હતું અને 6 જૂને સફળતાપૂર્વક આંતરરાષ્ટ્રીય અવકાશ સ્ટેશન પર પહોંચ્યું હતું. ટેક્નિકલ સમસ્યાના કારણે પ્લેન હજુ પણ સ્ટેશનમાં અટવાયું છે. તેમાં આવી રહેલી સમસ્યાઓને કારણે પૃથ્વી તરફ આવનાર અવકાશયાત્રીઓની યોજના હજુ પણ સંતુલનમાં લટકી રહી છે. નાસાએ ત્રણ વખત CID રિટર્ન રિશિડ્યુલ કર્યા છે. વિમાનમાં શું તકલીફ થઈ?
મિશન સાથે સંકળાયેલા નાસાના ટેક્નિકલ સ્ટાફનું કહેવું છે કે, એરક્રાફ્ટનાં થ્રસ્ટર્સ વધુ ગરમ થઈ ગયાં હતાં અને હિલિયમ ઓવરલોડ થઈ ગયું હતું. નાસા અને બોઇંગના કર્મચારીઓની બનેલી એક મિશન મેનેજમેન્ટ ટીમ ડેટાની તપાસ કરી રહી છે. 6 જૂને સ્ટારલાઈનર ઈન્ટરનેશનલ સ્પેસ સ્ટેશન પર ઊતર્યા પછી, મુસાફરોએ શોધ્યું કે, 5 હિલિયમ લીક થઈ ગયું છે અને 5 થ્રસ્ટર્સે કામ કરવાનું બંધ કરી દીધું છે. આ સિવાય એક વાલ્વ પણ સંપૂર્ણપણે બંધ નથી. આ કારણોસર અવકાશમાં ક્રૂને સમારકામ કરવામાં વધુ સમય લાગી રહ્યો છે. કયા કારણોસર પાછા આવી શકતાં નથી?
શરૂઆતમાં આ મિશન નવ દિવસ ચાલવાનું હતું. વિલિયમ્સ અને વિલ્મોર 13 જૂને પૃથ્વી પર પાછા ફરવાના હતા, પરંતુ અવકાશયાનમાં હિલિયમ લીક અને થ્રસ્ટરની નિષ્ફળતા સહિત સ્ટારલાઈનર સાથેની ઘણી ટેક્નિકલ સમસ્યાઓને કારણે તેમની પરત તારીખ સતત લંબાવવામાં આવી હતી. નાસાએ પરત ફરવાની તારીખ 26 જૂન નક્કી કરી હતી, પરંતુ બાદમાં તે મુલતવી રાખવામાં આવ્યું હતું. બોઇંગ સ્ટારલાઇનર અવકાશયાન હાલમાં ISS સાથે ડોક થયેલ છે અને લાંબા સમય સુધી ડોક રહેવાની ક્ષમતા ધરાવે છે. નાસાના કોમર્શિયલ ક્રૂ પ્રોગ્રામ મેનેજર સ્ટીવ સ્ટિચના જણાવ્યા અનુસાર, સામાન્ય સંજોગોમાં તે 45 દિવસ સુધી જોડાયેલ રહી શકે છે, પરંતુ જો જરૂરી હોય તો તેનો સમયગાળો 72 દિવસ સુધી વધારી શકાય છે.
આ પ્રકારના તમામ સમાચાર માટેે
App ડાઉનલોડ કરો.