સોનાક્ષી સિંહાએ ઘરમાં લગ્ન કરવાનું કારણ જણાવ્યું:ઝહીર ઈકબાલ સાથે લગ્ન કરવા પર એક્ટ્રેસે કહ્યું , ‘હું સ્ટ્રેસ લેવા માંગતી નહોતી, હું મનમુકીને ડાન્સ કરવા માંગતી હતી’

સોનાક્ષી સિંહાએ 23 જૂને તેના બાંદ્રા એપાર્ટમેન્ટમાં ઝહીર ઈકબાલ સાથે લગ્ન કર્યા હતા.એક્ટ્રેસના ઈન્ટીમેટ વેડિંગ સમાચારમાં હતા, જેમાં માત્ર થોડા નજીકના લોકોએ હાજરી આપી હતી. હવે સોનાક્ષીએ ઝહીર સાથે તેના જ ઘરમાં લગ્ન કરવાની વાત કરી છે. એક્ટ્રેસે કહ્યું કે, તે તેના લગ્નજીવનમાં કોઈ તણાવ નથી ઈચ્છતી. તાજેતરમાં જ બોલિવૂડ બબલને આપેલા એક ઈન્ટરવ્યુમાં સોનાક્ષીએ ઈન્ટીમેટ વેડિંગ કરવાનું કારણ જણાવ્યું. તેણે કહ્યું, એ વાત સાચી છે કે અમે એકબીજાની સાથે છીએ અને આ એવી વસ્તુ છે જે અમે બંને લાંબા સમયથી ઇચ્છતા હતા. અમે તે કેવી રીતે કરવું તે અમે સ્પષ્ટ હતા. અમે ઈચ્છતા હતા કે ઈન્ટીમેટ વેડિંગ હોય અને અમારું રિસેપ્શન એક મોટી પાર્ટી હોય જ્યાં દરેક મજા માણી શકે. હું તણા1વ લેવા માંગતી નહોતી, તેથી બધા ફંક્શન મારા ઘરમાં થયા. સોનાક્ષીએ વધુમાં કહ્યું કે, હું મારા વાળ કરાવી રહી હતી, મેકઅપ કરી રહી હતી અને દરેક વ્યક્તિ ઘરની અંદર અને બહાર જતી હતી. ભોજન અને શણગારની તૈયારીઓ ચાલી રહી હતી. તેથી મારું ઘર ખરેખર એક ઓપન હાઉસ છે, બધું પરફેક્ટ હતું. અભિનેત્રીએ એમ પણ કહ્યું છે કે તેણે સાદા કપડા પહેર્યા હતા કારણ કે તે લગ્નમાં આરામદાયક રહેવા માંગતી હતી. તેના લગ્નમાં જોરશોરથી ડાન્સ કરવા માટે કમ્ફર્ટેબલ રહેવા માંગતી હતી. આવો જોઈએ સોનાક્ષીના લગ્નની કેટલીક તસવીરો... સોનાક્ષી સિંહાએ 23 જૂને ઝહીર ઈકબાલ સાથે તેના બાંદ્રા એપાર્ટમેન્ટમાં સિવિલ મેરેજ કર્યા હતા. આ પછી, 23 તારીખે, કપલે મુંબઈના બાસ્ટન રેસ્ટોરન્ટમાં રિસેપ્શન પાર્ટીનું આયોજન કર્યું હતું, જેમાં બોલિવૂડની ઘણી હસ્તીઓએ હાજરી આપી હતી.

આ પ્રકારના તમામ સમાચાર માટેે App ડાઉનલોડ કરો.