સોનાક્ષી સિંહાનું સાસરીમાં થયું ભવ્ય સ્વાગત:ઝહીરની બેસ્ટ ફ્રેન્ડે ઉતારી ભાભીની નજર; ઈમોશનલ થઈ એક્ટ્રેસ, રિસેપ્શન પાર્ટીમાં પતિ સાથે કર્યો રોમેન્ટિક ડાન્સ

સોનાક્ષી સિંહા અને ઝહીર ઈકબાલે રવિવારે લગ્ન કર્યાં હતાં. આ દંપતીએ બપોરે રજિસ્ટર્ડ મેરેજ કર્યાં હતાં અને મુંબઈના દાદરમાં શિલ્પા શેટ્ટીની રેસ્ટોરાં બાસ્ટન ખાતે મોડી રાત્રે રિસેપ્શન પાર્ટીનું આયોજન કર્યું હતું. આ પાર્ટીના ઘણા ઇનસાઇડ વીડિયો સોશિયલ મીડિયા પર વાઇરલ થયા છે. અહીં કપલે કેક કાપીને ઉજવણી કરી હતી. બંનેએ 'દબંગ'ના ગીત 'તેરે મસ્ત મસ્ત દો નૈન..' પર રોમેન્ટિક ડાન્સ પણ કર્યો હતો. હની સિંહે સોનાક્ષી માટે પર્ફોર્મ કર્યું હતું
તેની બેસ્ટ ફ્રેન્ડ સોનાક્ષીની રિસેપ્શન પાર્ટીમાં આવેલા રેપર હની સિંહે પણ જોરદાર પર્ફોર્મન્સ આપ્યું હતું. ડીજે પાર્ટી દરમિયાન હનીએ ટેબલ પર ઊભા રહીને એક ગીત ગાયું હતું, જેના પર સોનાક્ષી અને ઝહીર ડાન્સ કરતા જોવા મળ્યાં હતાં. સાસરે પહોંચીને સોનાક્ષી ભાવુક થઈ ગઈ હતી
આ સિવાય સોનાક્ષીનો વધુ એક વીડિયો વાઇરલ થયો છે જેમાં તે ઈમોશનલ જોવા મળી હતી. આ વીડિયોમાં ઝહીરની ખાસ મિત્ર જન્નત વાસી સોનાક્ષીનું સ્વાગત કરે છે અને તેને ફૂલોના હાર પહેરાવે છે. આ પછી જન્નતે જ્યારે ઝહીર અને સોનાક્ષીને ગળે લગાવી ત્યારે ભાવુક થઈ ગઈ હતી. આ દરમિયાન સોનાક્ષીની આંખોમાં આંસુ હતાં જેને તે લૂછતી જોવા મળી હતી. સોશિયલ મીડિયા પર આ વીડિયો શેર કરતા જન્નતે લખ્યું, 'મારા ભાઈના લગ્ન થઈ ગયા છે. ઝહીર અને સોનાને ખૂબ ખૂબ અભિનંદન. તમારા બંને માટે ખૂબ જ આનંદ છે. ઘણા સેલેબ્સ કપલને અભિનંદન આપવા પહોંચ્યા હતા
આ પહેલાં રવિવારે રાત્રે રિસેપ્શન પાર્ટીમાં સોનાક્ષી લાલ સાડીમાં સિંદૂર લગાવીને પહોંચી હતી, જ્યારે ઝહીર ઓફ-વ્હાઈટ ડ્રેસમાં જોવા મળ્યો હતો. પાર્ટીમાં સલમાન ખાન, અનિલ કપૂર, રેખા અને કાજોલ સહિત ઘણા મોટા સેલેબ્સ કપલને અભિનંદન આપવા પહોંચ્યા હતા.

આ પ્રકારના તમામ સમાચાર માટેે App ડાઉનલોડ કરો.