‘ડોન 3’નું શૂટિંગ 2025માં શરૂ થશે:ડિરેક્ટર ફરહાન અખ્તરે વાતને કન્ફર્મ કરી; કહ્યું, ‘ફિલ્મ જી લે ઝરા’ પણ બનશે’

આખરે ફરહાન અખ્તરે પુષ્ટિ કરી છે કે રણવીર સિંહ અને કિઆરા અડવાણી સ્ટારર ફિલ્મ 'ડોન 3'નું શૂટિંગ 2025 માં શરૂ થશે. તો માહિતી તો એવી મળી રહી હતી કે, કેટરિના કૈફ, પ્રિયંકા ચોપરા અને આલિયા ભટ્ટ અભિનિત ફિલ્મ 'જી લે ઝારા'ને પડતી મૂકવામાં આવી છે. આ વિશે પણ વાત કરતાં ફરહાને કહ્યું કે આ ફિલ્મ બનશે અને તે જ તેનું નિર્દેશન કરશે. ફરહાન 'ડોન 3' અને 'જી લે ઝરા'નું નિર્દેશન કરશે
18 જૂને ફરહાન દ્વારા નિર્દેશિત ફિલ્મ 'લક્ષ્યે' વીસ વર્ષ પૂરાં કર્યા. આ ખાસ તકે ફરહાને પિંકવિલા સાથે વાત કરી હતી. આ દરમિયાન તેમણે 'ડોન 3' અને 'જી લે ઝરા' ફિલ્મો વિશે પણ વાત કરી છે. ફરહાને કહ્યું- 'અમે આવતા વર્ષે ફિલ્મ 'ડોન 3'નું શૂટિંગ કરીશું. હું પોતે તેની રાહ જોઈ રહ્યો છું. અમે 'જી લે ઝરા' ફિલ્મની પણ જાહેરાત કરી છે. હું આ ફિલ્મનું નિર્દેશન પણ કરીશ.' 'મને એક ફિલ્મ ડિરેક્ટ કર્યાને ઘણો સમય થઈ ગયો છે. મને આ ફિલ્મોનું નિર્દેશન કરવાનું ખૂબ જ ગમે છે.' ફિલ્મના શૂટિંગની નિશ્ચિત તારીખ જાહેર કરવામાં આવી નથી
ફરહાનને વધુમાં પૂછવામાં આવ્યું કે શું તેમણે ફિલ્મના શૂટિંગની તારીખ લૉક કરી છે કે નહીં. તેમના પર તેમણે કહ્યું, 'આ માત્ર મારી ડેટ્સ વિશે નથી. આ પ્રોજેક્ટમાં ઘણા લોકો જોડાયેલા છે. દરેક માટે તારીખ નક્કી કરવી જરૂરી છે.' 'એ વાત કન્ફર્મ છે કે ડિરેક્ટર તરીકે તમે મારી આ બે ફિલ્મો ચોક્કસ જોશો.' 'ડોન 3'માં શાહરુખની જગ્યાએ રણવીર સિંહને લીધો હતો
ઓગસ્ટ 2023માં ફરહાન અખ્તરે ખુલાસો કર્યો હતો કે 'ડોન 3' ફિલ્મમાં શાહરુખ ખાનની જગ્યાએ રણવીર સિંહને કાસ્ટ કરવામાં આવ્યો છે. આ સમાચારે સનસનાટી મચાવી દીધી હતી. તે જ સમયે, અભિનેત્રી કિઆરા અડવાણીનું નામ મુખ્ય લીડમાં હતું. અમિતાભ બચ્ચન 1978ની 'ડોન' અને શાહરુખ ખાન 2006ની 'ડોન'માં જોવા મળ્યા હતા. 'જી લે ઝરા' ફિલ્મની જાહેરાત 2021માં કરવામાં આવી હતી.
'જી લે ઝરા' ફિલ્મની જાહેરાત 2021માં કરવામાં આવી હતી. આ 3 છોકરીઓની રોડ ટ્રીપની વાર્તા હશે, જેનું નિર્દેશન ફરહાન અખ્તર કરશે. આ ફિલ્મ ઝોયા અખ્તરે લખી છે. તેના નિર્માતાઓમાં રીમા કાગતી, ઝોયા અખ્તર, રિતેશ સિધવાની અને ફરહાન અખ્તરનો સમાવેશ થાય છે.

આ પ્રકારના તમામ સમાચાર માટેે App ડાઉનલોડ કરો.