શાહરુખ ખાને નેસ વાડિયા સાથે ઉગ્ર બોલાચાલી કરી:IPL ખેલાડીઓની હરાજી પરની ચર્ચા દરમિયાન વાત બગડી, ટીમ માલિકો બે પક્ષોમાં વહેંચાયા

બોલિવૂડનો બાદશાહ શાહરુખ ખાન ઈન્ડિયન પ્રીમિયર લીગની ટીમ કોલકાતા નાઈટ રાઈડર્સનો માલિક છે. આઈપીએલની આગામી સિઝનના સંબંધમાં, 31 જુલાઈના રોજ BCCI (બોર્ડ ઓફ કંટ્રોલ ક્રિકેટ ઇન ઈન્ડિયા)ના હેડક્વાર્ટરમાં તમામ ટીમોના માલિકો અને BCCI અધિકારીઓ વચ્ચે એક બેઠક યોજાઈ હતી. કેકેઆરનો માલિક શાહરુખ ખાન પણ મીટિંગમાં હાજર રહ્યો હતો, જ્યાં તેની બીજી ટીમના માલિક નેસ વાડિયા સાથે દલીલ થઈ હતી. મીટિંગમાં ગરમાગરમી છતાં હજુ સુધી કોઈ પરિણામ આવ્યું નથી. તાજેતરના ક્રિકબઝના અહેવાલ મુજબ, આગામી સિઝન માટે મેગા હરાજી યોજવી જોઈએ કે નહીં તે મુદ્દે બેઠક યોજાઈ હતી. કિંગ નાઈટ રાઈડરના માલિક શાહરુખ ખાન આગામી મેગા ઓક્શનની વિરુદ્ધ હતા, જ્યારે પંજાબ કિંગના માલિક નેસ વાડિયા ઈચ્છતા હતા કે હરાજી થાય. શાહરુખે મીટિંગમાં પોતાનો મત પણ વ્યક્ત કર્યો હતો કે મિની ઓક્શન થવી જોઈએ અને શક્ય તેટલા ખેલાડીઓને જાળવી રાખવાની સુવિધા પૂરી પાડવી જોઈએ. જ્યારે નેસ વાડિયાએ આ વાતનો સ્પષ્ટ ઇનકાર કર્યો હતો. આ મુદ્દા પર ચર્ચા ચાલી રહી હતી ત્યારે બંને વચ્ચે પોતપોતાના મુદ્દા પર દલીલો શરૂ થઈ ગઈ હતી. ચર્ચા વચ્ચે તમામ ટીમોના માલિકો બે જૂથમાં વહેંચાઈ ગયા હતા. ઈન્ડિયન એક્સપ્રેસના અહેવાલ મુજબ, સનરાઈઝ હૈદરાબાદની માલિક કાવ્યા મારન શાહરુખ ખાનના સમર્થનમાં સામે આવી છે. ચેન્નાઈ સુપર કિંગ્સ, મુંબઈ ઈન્ડિયન્સ, ગુજરાત ટાઈટન્સ અને રાજસ્થાન રોયલ્સના માલિકો પણ શાહરુખના પક્ષમાં સહમત થયા છે. બીજી તરફ, રોયલ ચેલેન્જર્સ બેંગ્લોર, લખનૌ સુપર જાયન્ટ્સ, પંજાબ કિંગ્સ અને દિલ્હી કેપિટલ્સના માલિકો માને છે કે વધુ સારી ટીમ બનાવવા માટે મેગા ઓક્શન થવી જોઈએ. 31 જુલાઈના રોજ મળેલી બેઠકમાં આઈપીએલને લગતા મહત્ત્વના મુદ્દાઓ પર નિર્ણય લેવાના હતા. શાહરુખ ખાને મોતિયાની સારવાર કરાવી!
છેલ્લા ઘણા દિવસોથી એવા અહેવાલો આવ્યા હતા કે, શાહરુખ ખાનને બંને આંખોમાં મોતિયાની બીમારી છે. એવા અહેવાલો છે કે અભિનેતાએ અનંત-રાધિકાના લગ્ન પહેલા મુંબઈની એચએન રિલાયન્સ ફાઉન્ડેશન હોસ્પિટલ અને સંશોધન કેન્દ્રમાં તેમની આંખોની સારવાર કરાવી હતી. સારવારથી સંતુષ્ટ ન હોવાથી શાહરુખ ખાન 30 જુલાઈએ અમેરિકા જશે, જોકે આ અહેવાલો અફવા સાબિત થયા છે. એવા પણ અહેવાલ છે કે શાહરુખ જુલાઈની શરૂઆતમાં અમેરિકા અમેરિકા જઈને આંખોની સારવાર કરાવી ચૂક્યો છે. વર્ક ફ્રન્ટની વાત કરીએ તો શાહરુખ ખાન હાલમાં આગામી ફિલ્મ કિંગની તૈયારી કરી રહ્યો છે. રેડ ચિલીઝ પ્રોડક્શનની આ ફિલ્મમાં શાહરુખ ખાનની સાથે તેની પુત્રી સુહાના ખાન પણ મહત્ત્વના રોલમાં જોવા મળશે. આ એક્શન પેક્ડ ફિલ્મનું શૂટિંગ લંડનમાં થવાનું છે, જેની તૈયારીઓ ચાલી રહી છે.

આ પ્રકારના તમામ સમાચાર માટેે App ડાઉનલોડ કરો.