સોપોર એન્કાઉન્ટરનો બીજો દિવસા, 3 આતંકીઓને ઘેર્યા:આખી રાત ફાયરિંગ ચાલ્યું; કિશ્તવાડમાં પણ આતંકવાદીઓએ 2 વિલેજ ડિફેન્સ ગાર્ડની હત્યા કરી
જમ્મુ-કાશ્મીરના બારામુલ્લાના સોપોરમાં ગુરુવારે રાતથી આતંકવાદીઓ અને સુરક્ષાદળો વચ્ચે અથડામણ ચાલી રહી છે. અહીં 2-3 આતંકવાદીઓ છુપાયા હોવાના સમાચાર હતા, ત્યાર બાદ સર્ચ ઓપરેશન હાથ ધરવામાં આવ્યું હતું. અહેવાલો અનુસાર સોપોરના પાણીપોરા અને સાગીપોરા વિસ્તારમાં આખી રાત ગોળીબાર થયો હતો. શુક્રવારે સવારથી સેના અને આતંકીઓ વચ્ચે ફરી એકવાર ફાયરિંગ શરૂ થયું. આ પહેલા ગુરુવારે આતંકવાદીઓએ કિશ્તવાડના અધવારી વિસ્તારમાં 2 વિલેજ ડિફેન્સ ગાર્ડની હત્યા કરી હતી. પોલીસે જણાવ્યું કે મુંજાલા ધાર જંગલમાં પશુઓ ચરાવવા ગયેલા વિલેજ ડિફેન્સ ગાર્ડનું આતંકવાદીઓએ અપહરણ કરી તેના પર ગોળીબાર કર્યો હતો. મૃતકોની ઓળખ નઝીર અહેમદ અને કુલદીપ કુમાર તરીકે થઈ છે, જેઓ ઓહલી-કુંતવાડાના વિલેજ ડિફેન્સ ગાર્ડ છે. સેના આતંકીઓને શોધવા માટે સર્ચ ઓપરેશન ચલાવી રહી છે. જૈશના સાથી કાશ્મીર ટાઈગર્સે હુમલાની જવાબદારી લીધી હતી
આતંકવાદી સંગઠન જૈશ-એ-મોહમ્મદના કાશ્મીર ટાઈગર્સ જૂથે ગામ રક્ષક પર હુમલા અને હત્યાની જવાબદારી લીધી છે. કાશ્મીર ટાઈગર્સે ડિફેન્સ ગાર્ડના મૃતદેહોની તસવીરો સોશિયલ મીડિયા પર શેર કરી હતી, જેમાં બંનેના મોઢામાંથી લોહી નીકળતું હતું. બંનેની આંખે પાટા પણ બાંધેલા હતા. પોસ્ટમાં લખ્યું છે- આ યુદ્ધ કાશ્મીરની આઝાદી સુધી ચાલુ રહેશે. કાશ્મીર ટાઈગર્સનો દાવો- ડિફેન્સ ગાર્ડ્સ મુજાહિદ્દીનનો પીછો કરી રહ્યા હતા કાશ્મીર ટાઈગર્સે X માં લખ્યું છે કે, બંને વિલેજ ડિફેન્સ ગાર્ડ કાશ્મીર ટાઈગર્સના મુજાહિદ્દીનનો પીછો કરી રહ્યા હતા. બંને ગાર્ડને રંગે હાથે પકડીને હત્યા કરવામાં આવી હતી. તમે કાશ્મીર ટાઈગર્સનો રેકોર્ડ જોઈ શકો છો. અમે ક્યારેય કોઈ સામાન્ય હિન્દુને માર્યા નથી. અમે ભારતીય સેના સામે લડી રહ્યા છીએ. એવું જોવામાં આવી રહ્યું છે કે કેટલાક લોકો વિલેજ ડિફેન્સ ગાર્ડમાં જોડાઈને ભારતીય સેનાનું સાધન બનવા માગે છે. તેઓએ આજની ઘટનામાંથી બોધપાઠ લેવો જોઈએ. CMએ વ્યક્ત કર્યું દુઃખ, LGએ કહ્યું- બદલો લેશે છેલ્લા 7 દિવસમાં 7 હુમલા ઓમર અબ્દુલ્લા મુખ્યમંત્રી બન્યા બાદ જમ્મુ-કાશ્મીરમાં આતંકવાદી હુમલામાં વધારો થયો છે. છેલ્લા 7 દિવસમાં સોપોર, બારામુલ્લામાં ચાલી રહેલા એન્કાઉન્ટર અને વિલેજ ડિફેન્સ ગાર્ડ સહિત 7 હુમલા થયા છે. આતંકવાદીઓના મદદગારની ધરપકડ
દરમિયાન, જમ્મુ અને કાશ્મીર પોલીસે સેન્ટ્રલ રિઝર્વ પોલીસ ફોર્સ (CRPF) અને 22RR ની 92 બટાલિયન સાથે 5 નવેમ્બરે આતંકવાદીઓના એક સહયોગીની પણ ધરપકડ કરી હતી. તેની ઓળખ જમ્મુ-કાશ્મીરના સોપોરમાં તુઝાર શરીફના રહેવાસી આશિક હુસૈન વાની તરીકે થઈ છે. પોલીસે તેના કબજામાંથી એક પિસ્તોલ, સાત જીવતા રાઉન્ડ અને એક મેગેઝિન જપ્ત કરી છે.
આ પ્રકારના તમામ સમાચાર માટેે
App ડાઉનલોડ કરો.