GCCI અને સ્વામિનારાયણ ગુરુકુલ દ્વારા 14 જાન્યુઆરી, 2025, મંગળવારના રોજ સ્વામિનારાયણ ગુરુકુળ રાજકોટ ખાતે ગૌ માતા પૂજન કાર્યક્રમનું આયોજન કરવામાં આવ્યું.

GCCI અને સ્વામિનારાયણ ગુરુકુલ દ્વારા 14 જાન્યુઆરી, 2025, મંગળવારના રોજ

સ્વામિનારાયણ ગુરુકુળ રાજકોટ ખાતે ગૌ માતા પૂજન કાર્યક્રમનું આયોજન કરવામાં આવ્યું.

રાજકોટ, ગ્લોબલ કન્ફેડરેશન ઑફ કાઉ-સેન્ટ્રીક ઇન્સ્ટિટ્યુશન્સ (GCCI) અને સ્વામિનારાયણ ગુરુકુલના સંયુક્ત ઉપક્રમે સ્વામિનારાયણ ગુરુકુળ, ઢેબર રોડ, રાજકોટ ખાતે મકરસંક્રાંતિના શુભ અવસર પર પવિત્ર અને ભવ્ય ગૌ માતા પૂજન સમારોહનું સફળતાપૂર્વક આયોજન કરવામાં આવ્યું હતું. આ કાર્યક્રમમાં ભક્તો, ગૌ પ્રેમીઓ અને સામાજીક આગેવાનોએ ઉત્સાહપૂર્વક ભાગ લીધો હતો.

કાર્યક્રમની શરૂઆત વૈદિક મંત્રોચ્ચાર સાથે થઈ હતી, જે દ્વારા સમૃદ્ધિ સાથે આધ્યાત્મિકતા માટે દૈવી આશીર્વાદ મેળવયા હતા. ગૌ માતાને ફૂલ માળા, હળદર અને કુમકુમથી શણગારવામાં આવી હતી. હરિભક્તોએ ખૂબ જ આદરપૂર્વક પ્રાર્થના અને આરતી કરી હતી.

GCCI ના સ્થાપક ડૉ. વલ્લભભાઈ કથીરિયાએ ગૌ માતા પૂજનની પવિત્ર પરંપરાને પુનર્જીવિત કરવાની જરૂરિયાત પર અર્થપૂર્ણ વક્તવ્ય આપ્યું હતું. તેમણે જણાવ્યું કે કેવી રીતે ગાયો ભારતીય કૃષિ અને ગ્રામીણ અર્થતંત્ર ની કરોડરજ્જુ છે. ગૌ માતા માત્ર દૂધ જ નહીં પરંતુ પંચગવ્ય પણ પ્રદાન કરે છે, જે ઓર્ગેનિક ખેતી, ઔષધીય ઉપયોગ અને પર્યાવરણીય સંતુલન માટે શક્તિશાળી સ્ત્રોત છે. ડો. કથીરિયાએ ઉપસ્થિતોને ગૌશાળાઓ માટે સક્રિયપણે યોગદાન આપવા અને ગૌ સંરક્ષણને વ્યક્તિગત અને સામાજિક જવાબદારી તરીકે અપનાવવા વિનંતી કરી. તેમણે એ પણ ભાર મૂક્યો કે મકરસંક્રાંતિ પર ગૌ માતા પૂજનની ઉજવણી પર્યાવરણીય સંવાદિતા અને આધ્યાત્મિક ઉન્નતિના સિદ્ધાંતો સાથે સુસંગત છે, તેને પરંપરા અને પ્રકૃતિ બંનેનું સન્માન કરવાનો અર્થપૂર્ણ માર્ગ ગણાવ્યો.

પ.પૂ. હરિપ્રિય સ્વામીએ ભારતીય સંસ્કૃતિ અને ધર્મમાં ગૌ માતાના મહત્વ પર ઉત્કૃષ્ટ આધ્યાત્મિક પ્રવચન આપ્યું હતું. સ્વામીજીએ ભારપૂર્વક જણાવ્યું હતું કે ગાય નિઃસ્વાર્થ સેવાનું પ્રતીક છે, તેના દૂધ અને પંચગવ્ય ઉત્પાદનો માનવતાનું સંવર્ધન કરે છે. તેમણે ગાય અને માનવતા વચ્ચેના આધ્યાત્મિક જોડાણ વિશે વાત કરી, સમજાવ્યું કે ગૌ માતા માત્ર એક પ્રાણી નથી પરંતુ જીવનને ટકાવી રાખનાર દૈવી છે. સ્વામીજીએ યુવા પેઢીને તેમના મૂળ સાથે ફરી જોડાવા અને ગૌ સુરક્ષા પહેલમાં સક્રિયપણે ભાગ લેવા અપીલ કરી હતી. તેમણા ગૌ સેવાના કાર્યમાં નિષ્ઠા અને સમર્પણ સાથે યોગદાન આપવાની પ્રેરણા આપી.

આ કાર્યક્રમમાં પરિવારો, મહિલાઓ અને બાળકો સહિત તમામ વય જૂથોના લોકોની ઉત્સાહપૂર્વક ભાગીદારી જોવા મળી હતી. ઘણા ઉપસ્થિતોએ તેમના સ્થાનિક વિસ્તારોમાં ગૌ માતા પૂજનને પ્રોત્સાહન આપવા અને તેમની નજીકની ગૌશાળાઓને ટેકો આપવા માટે તેમની પ્રતિબદ્ધતા વ્યક્ત કરી હતી.
ગ્લોબલ કન્ફેડરેશન ઓફ કાઉ બેઝ્ડ ઈન્ડસ્ટ્રીઝ (GCCI) એ તમામ ગૌશાળાઓ, સામાજીક આગેવાનોને સમગ્ર ભારતમાં ગૌ માતા પૂજન કાર્યક્રમોનું આયોજન કરીને આવનારા તહેવારો ઉજવવા અપીલ કરી છે. આ અભિયાનનો ઉદ્દેશ્ય ગાયોના કલ્યાણને પ્રોત્સાહન આપવાનો, સાંસ્કૃતિક મૂળને વધુ ઊંડો કરવાનો અને પ્રાચીન ભારતીય પરંપરાઓમાં રહેલા સાશ્વત ભવિષ્ય માટે યુવાનને પ્રેરણા આપવાનો છે.

રિપોર્ટ નટવરલાલ ભાતિયા

આ પ્રકારના તમામ સમાચાર માટેે App ડાઉનલોડ કરો.