મહીસાગર જિલ્લામાં બાળ પ્રતિભા શોધ સ્પર્ધાનું આયોજન કરવામાં આવનાર છે

ગુજરાત સરકારશ્રીના રમતગમત યુવા અને સાસ્કૃતિક પ્રવૃત્તિઓ ગાંધીનગર તેમજ જીલ્લા યુવા અને સાંસ્કૃતિક પ્રવૃતિઓની કચેરી મહીસાગર દ્વારા ચાલુ વર્ષે બાળ પ્રતિભા શોધ સ્પર્ધાનું આયોજન કરવામાં આવનાર છે. મહીસાગર જિલ્લાના સ્પર્ધકો કે જેઓની ઉંમર તા. ૩૧/૧૨/૨૦૨૩ ના રોજ ૦૭ થી ૧૩ વર્ષ સુધીની હોય તેવા કોઇ પણ ભાઈ/બહેન, વિદ્યાર્થી કે બિનવિદ્યાર્થી સ્પર્ધામાં ભાગ લઈ શકશે.
સ્પર્ધકોએ ઉંમરના પુરાવા માટે આધારકાર્ડ અથવા શાળાનું પ્રમાણપત્ર અથવા જિલ્લા શિક્ષણાધિકારીશ્રી, તાલુકા મામલતદારશ્રી કે અન્‍ય કોઈ રાજ્ય પત્રિત અધિકારીશ્રીનું પ્રમાણપત્રની નકલ પ્રવેશપત્ર સાથે મોકલી આપવાનું રહેશે. ભાગ લેનાર સ્પર્ધકોનાં પ્રવેશપત્રો તા:- ૩૦/૧૨/૨૦૨૩ સુધીમાં જિલ્લા યુવા અને સાંસ્કૃતિક પ્રવૃતિઓની કચેરી, રૂમ નં. ૨૧૨, બીજો માળ, કલેકટર કચેરી, લુણાવાડા, મહીસાગર ખાતે મોકલી આપવાનાં રહેશે.

આ પ્રકારના તમામ સમાચાર માટેે App ડાઉનલોડ કરો.