વાઘપુરા ગામે કલેકટરશ્રી ના અધ્યક્ષસ્થાને રાત્રી ગ્રામસભા યોજાઈ

પાટણ જિલ્લાના સમી તાલુકાના વાઘપુરા ગામે પાટણ જિલ્લા કલેકટરશ્રી અરવિંદ વિજયન ની અધ્યક્ષતામાં રાત્રી ગ્રામસભા યોજાઈ હતી. તેમાં કલેકટરશ્રી એ ગ્રામજનોની સાથે સીધો સંવાદ કરી તેઓના પ્રશ્નો સાંભળ્યા હતા.અને તમામ પ્રશ્નો નો ઉકેલ લાવવાની ખાતરી આપી હતી.
કલેકટરશ્રી એ તાલુકામાં પડતી સમસ્યાઓ જેવીકે પાણી ની સમસ્યા, રોજગારી,રસ્તાઓ જેવી સમસ્યાઓ દૂર કરવા જિલ્લા વહીવટતંત્ર કટિબદ્ધ છે તેમજણાવ્યું હતું.કલેકટરશ્રી અરવિંદ વિજયને મહિલાઓ ને વ્યસનથી દૂર રહેવા આહવાન કર્યું હતું. ગ્રામજનો ને સરકારશ્રી દ્વારા ચાલતી યોજનાઓ દ્વારા લાભ લેવા સુચન કર્યું હતું અને તેની માહિતી આપી લોકોને જાગૃત કર્યા હતા.
આ રાત્રી ગ્રામસભામાં જિલ્લા પંચાયત પ્રમુખ હેતલબેન ઠાકોર, રાધનપુરના ધારાસભ્ય લવિંગજી ઠાકોર, જિલ્લા વિકાસ અધિકારીશ્રી બી.એમ.પ્રજાપતિ, જિલ્લા ના આગેવાનશ્રીઓ તેમજ ગ્રામજનો મોટી સંખ્યામાં ઉપસ્થિત રહ્યાં હતાં.

આ પ્રકારના તમામ સમાચાર માટેે App ડાઉનલોડ કરો.