તા.31 જુલાઇથી સાબરમતી-જોધપુર ટ્રેન જેસલમેર સુધી દોડાવાશે
અમદાવાદ,તા.28 જુલાઇ 2022, ગુરૂવારસાબરમતી-જોધપુર અને જોધપુર-જેસલમેર એક્સપ્રેસ આ બંને ટ્રેનને એક કરી દઇને સાબરમતી-જેસલમેર-સાબરમતી ટ્રેન દોડાવવાનો મહત્વપૂર્ણ નિર્ણય રેલવે દ્વારા લેવાયો છે. જેસલમેર, રામદેવરા જવા માંગતા મુસાફરોને મોટી રાહત મળી રહેશે.ટ્રેન નં. ૧૪૮૦૪/૦૩ સાબરમતી-જોધપુર-સાબરમતી એક્સપ્રેસ અને ટ્રેન નં. ૧૪૮૧૦/૦૯ જોધપુર-જેસલમેર-જોધપુર એક્સપ્રેસને એકબીજામાં મર્જ કરી દેવામાં આવી છે. હવેથી આ ટ્રેન ૧૪૮૦૪/૦૩ સાબમરતી-જેસલમેર-સાબરમતી એક્સપ્રેસ તરીકે ઓળખાશે.સાબરમતીથી તા.૩૧ જુલાઇથી ૨૧ઃ૪૫ ઉપડીને બીજા દિવસે સવારે ૬ઃ૦૫ કલાકે જોધપુર તથા ૧૨ઃ૪૦ કલાકે જેસલમેર પહોંચશે. પરતમાં જેસલમેરથી તા.૧ ઓગષ્ટથી ૧૫ઃ૦૦ કલાકે ઉપડીે ૨૧ઃ૧૦ કલાકે જોધપુર પહોંચશે તેમજ બીજા દિવસે ૨ઃ૨૩ કલાકે ભીલડી અને સવારે ૫ઃ૩૦ કલાકે સાબરમતી પહોંચશે.
આ પ્રકારના તમામ સમાચાર માટેે
App ડાઉનલોડ કરો.